Россия мариинда пöзiк паалағ алғаннар
16.01.2021
Хабарлар
Н.Ф.Катановтың адынаң Хакас национальнай гимназияның ӱгренӌiлерi Россия синiнде иртiрiлген марығда призёрлар полыбысханнар. Марығны ЮНЕСКО-ның пiрiктiрiлген школазы иртiрген.
Пiстiң хакас олғаннар тöреен-öскен чир-суубыс Хакасиядаңар паза Сибирьдеңер сiлiг хоостар чайааннар паза чылығ кибелiстер пас салғаннар.
5А класстың ӱгренӌiзi Софья Чистанова (устағӌызы - воспитатель А.М.Сагалакова) "Ленадағы столбаларны" хоостап, ол хайхастығ хайалардаңар пас салған, 10В класстағы Дарья Чаптыкова - Оғлах тағдаңар, 10В класстағы Вячеслав Барашков - Салбых кӱргеннеңер, 10В класстағы Диана Носакина - Улуғ Хуртуйах тастаңар. Пу 10 класстағы ӱгренӌiлернi марыға воспитатель И.К.Побызакова тимнеен.
Марығның ээлерi араласчыларға хынығ паза чапсых тоғыстары ӱчӱн алғыстастарын читiргеннер. Таныхтирға кирек, Россияның аймах пулуңнарынаң тиксi 400 тоғыс ызылған.
Автор :
Марина Сергеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы