Хакасияның культура министерствозы "Культура" нацпроекттiң 2020 чылдағы салтарын иртiрдi
16.01.2021
Хабарлар
Пылтыр "Культура средазы" регионның проектi хоостыра Хакасияның аалларында сигiс культура туразы нааӌылалған (Новомихайловка, Очыр, Кызлас, Ööк пилтiрi, Табат, Киндiрлiг пилтiрi, Сабинка, Таштып аалларда). Тыхтағ тоғыстары федеральнай, регионның паза муниципальнай бюджеттердегi ахчаа иртiрiлген, тиксi 25,8 миллион салковай хорадылған.
Пӱӱл 15 культура туразын нааӌылиры кöрiлче (Кöк хайа, Киров, Знаменка, Кирбi, Пии, Хаал, Новокурск, Кобяков, Улуғ Сööттiг, Майрастар, Ағбан пилтiрi, Чарков, Пӱӱр пилтiрi, Пiӌi пазы, Чоохчыл аалларда).
Пылтыр iкi олған музыка школазына кöг тирiглерi, оборудование паза ӱгредiг материаллары пирiлген. "Ровесник" олған библиотеказына амғы оңдайларға килiстiре наа тирiглер алылған.
Пӱӱл Саяногорсктағы ööн библиотекаа паза Ағбан пилтiрiндегi олған библиотеказына наа оборудованиелер пирiлер. Ағбанда паза Асхыста искусство школалары нааӌылалар.
Автор :
Хакасия пазының паза Хакасия Республика правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы