Чонны азырапчатханнарны сыныхтирлар
25.01.2021
Хабарлар
Хакасияның налог службазы федеральнай налог службазының «Чонны азыриры» проектiнде араласча. Проекттiң пӧгiнi – чонны азырирынаң айғасчатхан предприятиелернi кӧлеткiдең сығарары, потребительлернiң праволарын арачылиры. Ол искiрiглiг кампаниядаң пасталча. Аны хоостыра идiнҷектернi паза ведомстволарны пiрiктiрчеткен семинарлар паза вебинарлар иртiрерi кӧрiлче.
2019 чылның 1 июльынаң чонны азырирынаң айғасчатхан налогтар тӧлепчеткеннернiң налог органнарында пiчiкке турғыс салған сыныхтағ-касса техниказы поларға паза олар аннаң хайди даа тузаланарға киректер. Анзы ӱгредiг организацияларында ӱгренчеткеннернi, тоғынчатханнарны азырапчатханнарға паза тоғынҷыларны чаллабинчатхан чонны азырирынаң айғасчатхан идiнҷектерге теелбинче.
Россияның УФНС-ының Хакасияҷа оперативнай сыныхтағ пӧлиинiң пастығы Александр Семеновтың чооғынаң, Хакасияның налог органнары чонны азырирынаң айғасчатхан, че сыныхтағ-касса техниказынаң тузаланар законодательство кирексiнiстерiн сайбапчатхан налог тӧлепчеткеннернi iлезiне сығарарынҷа тоғыс апарчалар.
Налог управлениезi искiриинең, 2020 чылның 31 декабрьында сыныхтағ-касса техниказы хайди тузаланылчатханынаңар сыныхтағлар иртiрерiне мораторий тузы ирт парған. Пӱӱл налог органнары сыныхтағлар иртiрiп пастабысханнар. Сыныхтағ-касса техниказынаң тузаланардаңар законодательство кирексiнiстерiне тудынминчатхан на налог тӧлепчеткеннернi сыныхтирлар.
Кафе-ресторанзар чӧрчеткен кiзiлер проектте аралазар оңдайлығлар. «Проверка чека ФНС России» мобильнай приложение полызиинаң чек пирiлбеен полза алай чекте хорадылған ахчаның синi пасхалалза, налог органнарынзар хоп ызыбызарға чарир. Андағ сайбағлар сыныхтағ планынзар кирiлер.
Автор :
Хакасияҷа федеральнай налог службазының управлениезi
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы