Пöзiк синдегi режим узарадылардаңар
01.02.2021
Хабарлар
Пӱӱн Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың чыылии ирткен.
Азығ айының пастағы кӱнiндегi танығлардаң, республикада 56 кiзi наа чуғынӌах ағырығнаң ағырыбысханы iлезiне сығысхан. Хазыхтанып алғаннарның саны 41 кiзi. Пандемия пасталғаннаң республикада коронавирусты хаптырғаннарның саны 20447 кiзее чит парған, наа чуғынӌах ағырығдаң озып, чазыл парғаннарның саны 18892 кiзее тиңнелче. Ибде COVID-19 ағырығдаң имненчеткеннернiң саны 906 кiзi. Стационарларда 262 пациент имнег иртче (60 пациенттiң пу ағырығ аар иртче, ИВЛ-да - 6 кiзi).
Чуғынӌах ағырығ тарапчатханнаңар, Роспотребнадзор тоғынӌылары амғы тустағы режимнi пiр айға узарадарға чöп пирген. Пазағы оперштаб чыылиинда пöзiк синдегi режим хайдағ кӱнге теере узарадыларынаңар чарадығ алылар.
Автор :
Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы