Ағырчатханнар саны синче
08.02.2021
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен.
Ирткен суткада республикада коронавируснаң 48 кiзi ағырыбысханы iлезiне сығысхан. Хазыхтанып алғаннарның саны 19 кiзее тиңнелче. Пандемия пасталғаннаң Хакасияда наа чуғынӌах ағырығны хаптырғаннарның саны 20796 кiзее чит парған, ағырығдаң озып, чазыл парғаннарның саны 19350 кiзее тиңнелче. Ибде наа чуғынӌах ағырығдаң имненчеткеннернiң саны 755 кiзi.
Пӱӱнгi кӱннең сығара Ағбан пилтiрiндегi имнег туразында ковиднай корпус тоғынып пастабысхан. Учреждениенiң 1, 2 паза 3 хадылында пневмониянаң ағырчатханнар имненчелер. 4 паза 5 хадылларында мыннаң мындар тыхтағ тоғыстары апарылчалар.
Республикада наа чуғынӌах ағырығнаң ағырчатханнарның саны синчеткенiн сизiнерге чарир. Аның сылтаанда, стационарларда коронавируснаң ағырчатханнарға кöрiлген орыннар хызырылча. Амғы туста "коронавирус" диагнозтығ пациенттерге республиканың имнег тураларында 709 орған тимде, оларның 282 орғаны - резервте. Мыннаң мындар коронавирустығ пациенттерге кöрiлген орғаннар хызырылары республикадағы эпидемия киреенең палғалыстығ.
Автор :
Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы