Наа станция арығ суғ пирер
12.02.2021
Хабарлар
Боград аймаандағы Советская Хакасия аалда "Арығ суғ" хазна программазы хоостыра суғ сығарӌаң наа станция пӱдiрiлер.
Амды суғ аалзар 60 чылларда пӱдiрiлген iкi насос полызиинаң паза 7,5 километр узун водопроводча пирiлче. Олар хаӌанох иргiлен парған сылтаанда, суғ пирерiнде сыбыра сидiксiнiстер пол парча. Наа станция пӱдiрiлзе, чуртағӌыларға чахсы суғ пирiлер паза ол колонкаларда сыбыра пол турар. Iдöк наа объект чарытхаа ахча хорадарын хызырар.
Пӱӱн Хакасия пазы Валентин Коновалов, Советская Хакасия аалда полып, станция пӱдiрер орынны кöрiп алған паза проект-смета пiчиин тимнирiне ахча позыдарын чарадығ алды. Станция 2022 - 2024 чылларда пӱдiрiлерi кöрiлче. Ағаа тиксi 20 млн салковай азыра хорадылар.
Тоғыс чорығында Хакасия пазы Валентин Коновалов Боградтағы имнег туразын, орындағы школаны сыныхтаан. Халғанӌызында ол аймахтың чуртағӌыларынаң тоғасхан. Чорыхтаңар алғыда паза аның салтарынаңар газетаның килчеткен номерлерiнде хығырарзар.
Автор :
Оксана Сунчугашева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы