Таңда правительство чыылии
24.02.2021
Хабарлар
Таңда, азығ айының 25-ҷi кӱнiнде, 10.00 часта Хакасия правительствозының теестегi чыылии республика пазы Валентин Коноваловтың устаанынаң иртер.
Пу чыылыға ӱс сурығҷа искiрiг тимнелче. Хакасияның хазых хайраллаҷаң министрi Олег Ананьевский аалларзар, уламох ыраххы аалларзар имнер читiрер оңдайларны ӱзӱрiге сығарар. Республиканың аал хонии паза ас-тамах министрiнiң пастағы орынҷызы Александр Башков пӱӱл аал хониин тилiдерiне федеральнай кiннең паза республика бюджедiнең пирiлчеткен субсидиялардаңар чарыт пирер. Кӱн суриина iдӧк «Хакасияда чарытхыны ӱзӱрлирi паза аның тузазын ӧскiрерi» хазна программазынҷа муниципалитеттерде орамаларда чарытхы тартары сығарылар. Пу тоғыстың 2020 чылдағы салтары идiлер паза пу чылның пӧгiннерi искiрiлер. Пу сурығҷа чоох тудар республиканың энергетиканың паза пааларны турғызарынҷа хазна комитедiнiң кнезi Манук Данданян.
Правительство чыылии кибiрли онлайн иртер, аннаңар аның тоғызын полған на кiзее кӧрерге чарир. Кӧнi кӧзiдiг РТС телекомпанияның YouTube-каналында паза социальнай сетьтерде Валентин Коноваловтың официальнай аккаунттарында азых полар. Аннаңар искiрче Хакасия пазының паза правительствозының пресс-службазы.
Чоохтирға кирек, аннаң пасха чыылығ араласчылары аразында сурастырығ иртiрiп, iкi чыылығ аразында 13 сурығ чарадыл парған.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы