Пöзiк тимненiс режимi узарадылча
01.03.2021
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың чыылии ирткен.
Ирткен суткада республикада коронавируснаң 26 кiзi ағырыбысханы iлезiне сығысхан. Хазыхтанып алғаннарның саны 10 кiзее тиңнелче. Ибде наа чуғынӌах ағырығдаң имненчеткеннернiң саны 592 кiзi. Стационарларда 145 пациент имнег иртче (32 пациенттiң пу ағырығ аар иртче, ИВЛ- да - 5 кiзi). Ирткен суткада коронавирустаң 3 кiзi ӱреен, пандемия пасталғаннаң ӱрееннернiң саны 453 кiзее тиңнелче.
Хайди чыылығда искiрген Хакасияның хазых хайраллаӌаң министрi Олег Ананьевский, амды ковид пöлiктерi чабылары тохтадылар. Пӱӱнгi кӱнде
республиканың имнег тураларында коронавируснаң ағырчатханнарға 394 орған пар, оларның 154-i пос турча.
Хакасияда пöзiк тимненiс режимiн 4 апрельге теере узарадарға чарадығ алылған. Ööн сылтағ - 65 час ас парған паза чöреес ағырығларынаң ағырчатханнарның категориязына кiрчеткеннернiң аразында ӱрепчеткеннернiң саны пöзiк.
Автор :
Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы