Хакасия пазы Валентин Коновалов ипчiлернi 8 Мартнаң алғыстаан
08.03.2021
Хабарлар
Валентин Коновалов 8 Март ӱлӱкӱнде ипчi чонзар алғыстас сöстерiнең айланған:
- Аарлығ ипчiлер, алғыстапчам сiрернi Чоннар аразындағы ипчiлер кӱнiнең!
Пу прайзы хынчатхан ӱлӱкӱн тархыны ХIХ чӱс чылның ортызында пасталған, хаӌан ипчiлер иреннернең тиң праволығ полбааннар.
1910 чылда немец коммунист ипчi Клара Цеткин 8 мартты iстенчеткен ипчiлернiң пiрге полғанының чоннар аразындағы кӱнiн чiли таныхтирға чöпнең сыххан. Ол прай ипчiлернi iстенiс правозы, постың улуғлазы паза чир ӱстӱндегi амыр чуртас ӱчӱн кӱрезiге хозыларға хығырған. Ипчiлер ол хығыртыға хозылғаннар. Таныхтирға кирек, ипчiлер манифестациялары Россияда Февральдағы революцияа улуғ хозым иткеннер. Октябрьдағы Илбек революция соонаң, тiзең, Совет хазназы пастағыларның санында иреннернiң паза ипчiлернiң праволары тиң полчатханынаңар чарлаан.
8 Март iдöк часхы килгенiнең, чылығнаң паза кööленiснең палғалысча. Пу кӱнде, аарлығ ипчiлер, сiрерге алғызым читiрчем, пiске хабасчатханыңар ӱчӱн, сiрернiң паарсазыңар паза хынызыңар ӱчӱн.
Сiрернi хаӌан даа кööленiс, паарсас ибiрзiн, чуртаста сағыссырастар ас ползын. Часкалығ паза хазых полыңар! Ӱлӱкӱннең, аарлығ ипчiлер!
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы