ӦДІСТЕР НАА ЭЭЛЕРГЕ ТЕЕЛБИНҶЕ
30.08.2017
Хабарлар
Хакасияның пӱдіріг паза чурт-коммунальнай хоных министерствозы паза кӧп квартиралығ тураларның тиксі тыхтағ фонды (региондағы оператор) искіриинең, пӱӱл 29 июльда 257-ФЗ № Федеральнай закон алылған, аны хоостыра Россияның Чурт кодексінің 158 статьязының 3 чардығынзар алызығлар кирілген.
Амды алында Россия Федерациязы, субъекттер паза муниципальнай пӱдістер кӧп квартиралығ турадағы чурттың ээзі полған ползалар, че тиксі тыхтаға тӧлегні тӧлебеен ползалар, пу ӧдістер наа ээге теелбинчелер. Чурт ээлерінің праволарын толдырар пӧгіннең, чурт 2015 чылның 1 январьы алнында ӱстӱнде адалған ээлернең алылған полза, аннаңар региондағы операторға искірерге сурынчабыс. Ідӧк пу киректі киречілепчеткен пічіктер кирек:
• чуртты собственностьха пиреріне тӧстег полчатхан пічіктер (приватизация, садызығ чӧптезіглері);
• Росреестр органнарында собственность правозы пирілгенін хазна санға алғанын киречілепчеткен пічік (собственность правозын санға алғаннаңар свидетельствоның хобырғаны алай тибіреділбинчеткен ис-пайның пірге хазна реестрінең выписказы);
• тибіреділбинчеткен ис-пайның пірге хазна реестрінең тибіреділбинчеткен ис-пайға право пирілгеннеңер выписка алай аның хобырғаны.
Сурыныстарны региондағы операторның пу адрезінзер пирерге чарир: Ағбан г., Щетинкиннің ор., 105 каб. алай электроннай почта адрезінҷе: kapremont@r-19.ru.
Автор :
Екатерина ТРУШ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде