АЙДАС ТУРАДА ЧУРТИРЛАР
21.11.2018
Хабарлар
Чааӌылар службазы. Хакасияның Оӧркі Чӧп кнезі Владимир Штыгашев республикада орныхчатхан 24-ӌі зенитнай ракетнай бригаданың чааӌыларына общежитие тузаланысха кирілчеткен мероприятиеде араласхан.
РОССИЯДА ИҢ ЧАХСАА САНАЛЧАТХАН АҒБАНДАҒЫ ГАРНИЗОННЫҢ ЧААҶЫЛАР ГОРОДОГЫНА НАА ОБЪЕКТ ХОЗЫЛДЫ.
ЗЕНИТНАЙ РАКЕТНАЙ БРИГАДАНЫҢ ЧААҶЫЛАРЫНА НАА ОБЩЕЖИТИЕ ПӰДІР ПИРГЕННЕР. АҒБАННЫҢ ПӰДІРІГ КОМПАНИЯЗЫ ХЫСХА ТУСХА ТӦРТ ХАДЫЛЛЫҒ ТУРА ПӰДІРІБІСКЕН, ОЛ АМҒЫ ТУСТАҒЫ ПРАЙ КИРЕКСІНІСТЕРГЕ КИЛІСТІРЕ ИДІЛГЕН.
«ШТАБ-КАЗАРМА» ЧУРТ КОМПЛЕКСІНДЕ 300 КІЗІ ЧУРТИР, ТУРАНЫҢ ЧУРТАҶАҢ ХАДЫЛЛАРЫНДА КУБРИК ОҢДАЙЛЫҒ КОМНАТАЛАР, ТЫНАНҶАҢ, ПОС КИРЕЕНЕҢ АЙҒАСЧАҢ ОРЫННАР ПАР. АМ ПУ ТУРАНАҢ ХОСТИ ХОЗА ПІР ЧУРТ КОМПЛЕКСІ ПӰДІРІЛЧЕ.
- Пістің чааҷыларыбысха чуртаҷаң уғаа чахсы оңдайлар пирілче. Хакасияа алынҷа хайығ салчатхан ӱчӱн, пістің республикада чааҷылар городогын пӱдірердеңер чарадығ алған ӱчӱн, Центральнай чаа округының устаана, Россияның арачыланыс министрі Сергей Кужугетович Шойгуға алғызым читірерге сағынчам. Пістің армияда пу городок иң чахсы полча, - таныхтаан позының чооғында Владимир Штыгашев.
Ідӧк пілерге кирек, 24 зенитнай ракетнай бригада 2016 чылда 1 декабрьда тӧстелген, ол Центральнай чаа округының 14-ӌі ВВС паза ПВО армиязына кірче. Аның ӧӧн пӧгіннері санында Хакасиядағы паза Хызылчар крайындағы стратегическай объекттерні хорғыстардаң хадарары полча. Бригада С-300 «Фаворит» зенитнай ракетнай комплекстернең (ЗРК) тирінче, олар киидегі аймах объекттерні 75 - 200 километр ырахта чох ит полчалар. ЗРК-лар улуғ промышленность паза административнай объекттерні, чаа базаларын паза устағ пункттарын киидең паза хан тигірдең абылирынаң арачылирға кӧстелчелер. Олар баллистическай паза аэродинамическай объекттерні чох идерге кӧріл парғаннар. Полған на ЗРК алты объектті кӧр таап апарча паза оларӌа 12 теере ракета позыт полар.
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде