АЙЛАНЫСТАРҶА ТОҒЫС АПАРЫЛЧА
29.01.2019
Хабарлар
Тоғазығ соонаң. Хакасия пазы Валентин Коноваловтың Харатас город чуртағҷыларынаң тоғазиинаң айланыстар сыныхтағда тудылчалар.
Хакасия пазы Валентин Коновалов Харатас городтың чуртағҷыларынаң тоғасханда, 182 айланыс кірген. Олар Хакасия пазы администрациязының чуртағҷылар айланыстарынҷа тоғынҷаң управлениезінде санға алылғаннар паза кӧстегліг министерстволарзар пӧгеріне ызылғаннар. Нандырығлар закон хоостыра кӧрілген тусха тимнелер.
Республика устағ-пастаанаң тоғазығда араласхан полған на ӱзінҷі кізі позының суриинаң айланған алай сидіксінізін читірген. Анзын тиксі сурығлар паза хоптар саны кӧзітче. Сурығларның ӧӧн чардығы коммунальнай хоныхнаң, ибіркі чирлерні иптирінең, орамаларда чарытхы тартарынаң, чол чӧрізінең палғалыстығ. Пасха чардығы алынҷа тураларзар суғ тартарына паза чылығ читіреріне теелген.
Тоғазығ ирткен ӱс час аразына чуртағҷылар сурығларының кӧбізіне нандырығны орында алғаннар.
Неделя даа иртпеен, Харатаста пастағы алызығлар таныхталған. Город пазының тоғызын толдырчатхан Ольга Леонтьева паза администрацияның управление устағҷылары 20№ школада алынҷа район чуртағҷыларынаң тоғазығ иртіргеннер, хайда айланыстарны тиксі ӱзӱргеннер. Тоғазығларны неделя сай иртірері паза ол кӧстеге пис орын кӧріл парған.
Харатас город чуртағҷыларына амыр чуртас пирбинчеткен ээзі чох адайларнаң сурығ чарадыл парған. Город администрациязы искіриинең, подрядчик тоғызын айнытча, городтың иң сидік чардыхтарында хазыр адайларны тутчалар. Тиксі чыл аразына город орамаларынаң 150 адай чох иділер.
Автор :
Хакас пазының администрациязы
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде