ОЛҒАН ПӦЛИИ НААҶЫЛАЛҒАН
31.01.2020
Хабарлар
«Хазых хайраллиры» нацпроект. Боград аймааның оон имнег туразындағы олған пӧлии тыхталған
Боградтағы имнег туразында тыхтағ тоғыстар «Хазых хайраллиры» нацпроектче «Олған хазиин хайраллирының тилізі, ол санда палаларға имнег полызиин пирҷең амғы инфраструктураны тӧстирі» регион программазынҷа иртірілген.
Олған полиинде амды кізілер истіг иділген орында имҷізер теесті сахтап одырчалар. Анда имнег полызиин соона салдырбин пирҷең кабинет тоғынча, пічіктерні пирҷең алынҷа кабинет пар, холлар иптелген. Ағырчатхан палалар алынҷа ізікче кірчелер. Ідок ойнаҷаң орын, искірігліг табло паза пасха даа нимелер тимнелгеннер. Наа мебель паза оргтехника алылған. Іди имнег туразында истіг оңдайлар тостиріне 4 миллион 600 муң азыра салковай кӧрілген.
Аннаң пасха, андар амғы оборудование алылған. Аарлыға турчатхан оборудованиее тиксі 2 миллион 600 муң салковай хорадылған. Ол ахчаа алылғаннар: УЗИ аппарады, офтальмологияда тузаланҷаң лампа, рефкератометр, дефибриллятор, электрокардиограф, харах давлениезін сыныхтачаң аппарат.
Тиксі алза, проектті чуртасха киреріне 2 чыл аразына 9 миллион азыра салковай позыдылған. 2020 чылда олған хазиин хайраллирына хоза 111 миллион азыра салковай пирілер.
Автор :
Татьяна ЛУКУЦ
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде