АҒБАНДАҒЫ ІПЕК ЗАВОДЫ ТОҒЫНЧА
12.02.2019
Хабарлар
Кӱн сурии. Хакасия правительствозы Ағбандағы іпек заводын хайраллап халарынҷа сурығларны пӧкче 8 февральда Хакасия пазының пастағы орынҷызы Андрей Асочаковтың пастаанаң республиканың аал хонии, ис-пай паза чир хайызығлары министерстволарының кізілері паза предприятиенің наа ээзі Анастасия Кочан теестегі чыылығ иртіргеннер, хайда предприятиедегі сидік сурығлар паза оларны пӧкчең оңдайлар ӱзӱрілген. Предприятие сидік оңдайларда тиирге кирек. Акцияларның наа ээзі искіриинең, хара тас чох полып, завод пу кӱннерде тоғынмаан.
«Хлеб» ОАО республикада 1965 чылдаң сығара тоғынча. Илееде чыл тоғын салып, предприятие чахсы халас сығарчатхан. Че пу чылларда кічіг пекарнялар тӧстелгеннер, хайда халас паа хай-хай ниикке турча. Аннаңар іпек заводына оборудованиезін нааҷылирға киректелген, че регион ӱлгӱзінің, хайзының холында акцияларның ӧӧн чардығы полған, анзына ахча чох полған. 2016 чыл тоозылчатханда, Хакасия Правительствозынаң Ӧӧркі Чӧп аны алынҷа холға пирерге пірге чарадыға килгеннер. Ікі чыл парған садығлар соонаң акцияларны Анастасия Кочан алып алған. Олох туста правительство холында «алтын акция» халған, хайзы предприятиенең устирға ӧнетін право пирче. Іди наа ээлер республика чарадии чох предприятиені чаап полбастар, аның пӱдізін алыстыр полбастар паза ӧӧн капитал синін алыстыр полбастар.
Предприятие республика чуртазына уғаа кирек полчатханнаңар, «Хлеб» ОАО-нын директорлар чӧбіне Хакасияның аал хонии паза ас-тамах министерствозы кізізі кірче. Ағаа хоза, акциялар садыл парғанда даа, предприятие пу министерство пастыра хазна хабазиин ал турған. Іди 2018 чылда ағаа 3,5 миллион салковайға субсидия пирілген.
Ирткен чыылығда заводтың наа ээзі аны чабардаңар чоох парбинча тіп киртіндірген. Чӧптезіглер соонаң чыылығ араласчылары предприятиені паза тоғыс орыннарын хайраллап халар ӱчӱн сидік сурығларны пӧгер оңдайларны хада-пірге табарға чарат салғаннар.
Республика ӱлгӱлері тузында ара кіріскен сылтаанда, 11 февральдаң завод тоғызын нааҷылаан.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 1 | 2 | 3 |
Кӱн таңмазы