КӦС ЧӦРӋЕҢ ФАП ТОҒЫНЧА
01.03.2019
Хабарлар
Хакасияда кӧс чӧрңең фельдшер-акушер пункты (ФАП) тоғын сыхты. Пастағы андағ ФАП Боград аймааның ӧӧн имнег туразына пирілген.
Амды ФАП аймахтың чуртағңыларына имнег полызиин пирче. Пу кӱнге имнег тоғынңылары, ыраххы аалларңа чӧріп, 200 азыра кізінің хазиин сыныхтааннар. Февральда олар Пілӧліг, Чоғархы Чорба, Кӧлліг Чорба, Базандаиха, Нымырттығ, Хызыл хайа паза пасха даа аалларда пол килгеннер. Анда кізее, хазиин сыныхтанып, ідӧк хан паза пасха даа анализтерін пирер оңдай пар.
Кӧс чӧрҷең ФАП-тың паазы - 5 миллион азыра салковай. Аны аларына ахча федеральнай паза регион бюджеттерінең позыдылған. Нацпроекттер хоостыра кӧс чӧрҷең комплекстер республиканың прай аймахтарынзар алылар.
Автор :
Татьяна ЛУКУЦ
Пн | Вт | Ср | Чт | Пт | Сб | Вс |
28 | 29 | 30 | 31 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 1 | 2 | 3 |
Кӱн таңмазы
Хакасияда
Россияда
Тилекейде