ИНВЕСТИЦИЯ ТАРТАР ОҢДАЙЛАРНЫ ЧАХСЫЛАНДЫРАРҒА
20.03.2020
Хабарлар
Чыылығ. Хакасияның экономика тилізі министрі Николай Евдокимовтың устаанынаң «Минің пос киреем» кінде республикада инвестиция тартар оңдайларны чахсыландырарынҷа оргштаб ирткен
Россиядағы регионнарның инвестиция тартар оңдайларын паалирынаң Наа проекттерні тоғындырарынҷа табырах стратегиялар агентствозы (АСИ) айғасча. Ол паалағ хоостыра пу кӧстегҷе регионнарнын национальнай рейтингі тӧстелче. Мында ӧӧнінде орындағы идінҷектернің сағыс-кӧрізі санға алылча. Тиксі алза, сурастырығ 44 кӧзідігҷе апарылча: пӱдіріге чарадығлар пирері, ол санда андар сетьтерні тартары, идінҷектерге аймах кӧстегліг хабазығ кіннері, инфраструктура сині (чоллар, технопарктар, бизнес-инкубаторлар) паза идінҷектерге пирілчеткен хабазығ кӧрімнері. Хакасия пу рейтингте тың на чахсы орында нимес. Ирткен чылның салтарларынҷа, 77-ҷі орынға сығып алтыр. Алындағызынаң 4 пасхысха кӧдіріле халған. Регионға ол чахсы чидіге саналча. Че республика мында тохтирға сағынминча.
- Ирткен чылда республикада инвестициялар тартар оңдайларны паза пос киреен апарарын чахсыландырчатхан нинӌе-де закон алылған, - чарытхан Николай Евдокимов. - Оларның санында иң танығлығ полар парысха паза ис-пайға налог ставкалары тӱзірілгені. Пӱӱл «Хакасияда пос киреен тӧсте» проект чуртасха кирілче. Аны хоостыра идінӌектер паза пос киреенең айғазарға сағынчатханнар аразында улуғ искірігліг тоғыс апарылар. Піс республикада паза хазнада пос киреенең айғасчатханнарға пирілчеткен тиксі хабазығларны чарыдарбыс паза оларнаң тузаланарға полызарбыс, ол санда ахча табарынӌа, налог льготаларынаң тузаланарынӌа.
Чыылығда республикада кічіг паза ортын пос киреенең кӧні палғалыста тоғынчатхан ӱлгӱ органнарының кізілері араласханнар, ол санда Федеральнай налог службазының Хакасияҷа устаныс пастығы Светлана Диденко, республиканың пӱдіріг паза ЖКХ министрі Сергей Новиков, ис-пай паза чир хайызығларынҷа министр Евгений Тарасов, транспорт паза чол хонии министрі Дмитрий Василиади паза пасхазы. Олар национальнай рейтингте санға алылчатхан кӧзідіглерні чахсыландырар оңдайларны чарытханнар. Пілдістіг, ӧӧн кӧстег пос кирее ээлерінең палғалысты тыыдары полча. АСИ-ның халых кізізі поларға тимненчеткен Татьяна Ковалёваның кӧрізінең, пу пірігіснең тоғынарға республикада эксперттер чидіспинче. Пӱӱнгі кӱнде Россия синінде эксперттер санында Татьяна Юрьевнанаң Хакасияда идінҷектер правозын арачылирынҷа уполномоченнай Василий Кудашкин не полчаттыр. Эксперттер санына кірер ӱчӱн кізее Лидеры. ГО проектте санға алыларға кирек осхас.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 1 |
Кӱн таңмазы