Олар Россияның аймах пулуңнарында тоғынчалар
19.02.2021
Хабарлар
Пӱӱн Хакасия пазы Валентин Коновалов Л.Р.Кызласовтың адынаң чир-суғ ӱгренӌең музейде Россияның студенттер отрядтарының Хакасиядағы пöлииндегi араласчыларынаң тоғазығ иртiрген.
Пӱӱнгi кӱнде Хакасиядағы студенттер отрядынзар 196 оол-хыс кiрче. Олар - орындағы вузтарда паза ортын профессиональнай ӱгредiг учреждениелерiнде ӱгренчеткен чииттер. Хакасиядағы студенттер отрядынаң 2016 чылдаң сығара Мария Шестакова устап парча. Ол тоғазығда Валентин Олеговичке 2020 чыл студенттер отрядының хайди ирт парғанынаңар искiрген. Öрiнiстiг, пандемия даа тузында öткiн чииттер тоғыс чох одырбиндырлар. Пiстiң чир-суғӌыларыбыс Санкт-Петербургта, Крым Республикада паза Камчаткада тоғынып парыстантырлар. Iдöк олар, волонтерлар полып, улуғ частығларға ас-тамах, ағырчатханнарға имнер ибзер ағыл пир турғаннар.
Тоғазығның халғанӌы чардығында Валентин Олегович иң öткiн студенттерге алғыстас пiчiктерiн читiрген. Ол санда Хакасиядағы студенттер отрядының устағӌызы Мария Шестакова пол парған.
Автор :
Ольга Томочакова
Кӱн таңмазы
Хакасияда
Россияда
Тилекейде