ХАКАСИЯ ИНВЕСТОРЛАРНАҢ ТОҒЫНАРҒА ТИМДЕ
29.03.2019
Хабарлар
Форум. Хызылчардағы экономика форумында Хакасия правительствозының делегациязы араласча.
Киҷее Хызылчарда ХVІ экономика форумы (КЭФ) азылған. Анда Хакасия правительствозының делегациязы араласча, аннаң регион пазы Валентин Коновалов устапча.
Пӱӱн пістің делегация Россия президентінің СФО-дағы полномочиеліг кізізінің хайииндағы чӧбінің паза «Сибирьдегі чӧптезіг» регионнар аразындағы ассоциацияның хадапірге чыылиинда араласча. Ідӧк «Роуд-шоу КИП» площадка тоғызында, «Кимдегі Сибирь» наа проекттернең танызып, инвестиция пӧгіннерін паалир оңдайнаң тузаланар. Анаң тоғыс «Конкурент пол полар национальнай пӧгін» чыылығда паза «Сибирь тилізінің стратегиязы» сессияда узарадылар.
Форумда Валентин Коновалов ідӧк электроэнергетика тилізі сурығларында правительство комиссиязының алғым чыылиинда аралазар.
- «Кимдегі Сибирь» проект Хакасия бюд-жедіне илееде ахча кирер, че ідӧк экономика алызығларының пірге ілҷірбезінің чардығы полар оңдай пирер. Ол алызығлар пір саңай ӱс регионға теелер, - таныхтаан Валентин Коновалов.
Форумда республика позының нинҷе-де проектінең таныстырча. Оларның полызиинаң инвестициялар пастыра 300 миллиард азыра салковай регионзар тартып аларға чарир. Инвестициялар кирілзе, наа тоғыс орыннары тӧстелер, республика бюджедінзер хоза парыс кірер, ол ахча регионның тилізіне туза полар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
25 | 26 | 27 | 28 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде