ХОРАДЫҒЛАРНЫ ӦСКІРЕРГЕ ЧАРАБАС
05.04.2019
Хабарлар
Россияның финанстар министерствозы «чаа палаларынҷа» закон проекттерінің ікізіне чарадығ пирбеен. Россияның минфині республиканың «чаа палаларына» социальнай хабазығ пирердеңер закон проекттеріне чарадығ пирбеен. Закон проекттерінің пірсін республика пазы Валентин Коноваловтың чахиинҷа Хакасияның социальнай арачыланыс министерствозы, республика бюджедінің улуғ алымын санға алып, тимнеен.
2018 чыл пасталчатханда, республиканың хазна алымының сині бюджет парыстарынаң 36 процентке кӧп полған. Регионны алымнар оймағынаң сығарып алар ӱчӱн, Хакасия правительствозы паза Россия минфині аразында ахчанаң палғалыстығ киректі оңдайлирынҷа чӧптезіг иділген.
Федеральнай министерство, Хакасияның социальнай политика сферазындағы бюджет хорадығлары ідӧк тее кӧрілген синнең артых полғаны сылтаанда, республиканың «чаа палаларынҷа» закон проекттерінің ікізіне чарадығ пирбеен. Хакасия паза Россияның финанстар министерствозы иткен чӧптезігҷе Хакас Республиканың парыстарын ӧскірерінҷе, хорадығларын тӱзімніг идерінҷе паза хазна алымын хызырарынҷа мероприятиелер иртірері кӧрілче. Аның сылтаанда наа хорадығлар, ол санда социальнай хабазығҷа, идерге чарадылбинча. Чӧптезігні сайбааны ӱчӱн Россия минфині саринаң санкциялар кирері кӧріл парған. Россияның финанстар министерствозы кӧрізінең, «чаа палаларына» социальнай хабазығ пирерінҷе закон проекттері ікізінең республика бюджедінің хорадығларын тӱзімніг идерін сайбапчалар.
Бюджет кредиттерінің реструктуризациязынаңар чӧптезігнің кирексіністерінҷе Хакасия правительствозы республиканың хазна алымын чардыхти хызырарға кирек.
Хакасия бюджедінің социальнай политикаа хорадығлары республиканың пос полномочиелері чардығынҷа 2017 чылда 2806 млн салковай полған, 2018 чылда - 3548 млн салковай, 2019 чылға кӧрілче - 3567 млн салковай. Аннаң пасха, регионға хоза социальнай хабазығ пиреріне хорадығларны ӧскірерге чарадылбинча, оларны хызырарға кирек - 47 млн салковайдаң асхынах нимеске.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
25 | 26 | 27 | 28 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде