РЕСПУБЛИКА ЧОЛЛАРЫ ТЫХТАЛАР
10.04.2019
Хабарлар
Нацпроект. Хакасияда «Хорғыс чох паза чахсы автомобиль чоллары» национальнай проект хоостыра пӱӱл илееде тоғыс толдырылары кӧрілче.
Пӱӱл «Хорғыс чох паза чахсы автомобиль чоллары» национальнай проект хоостыра регионның мындағ чолларын тыхтап салар план тудылча: Ағбан - Саяногорск (1,8 км), Асхыс - Пирікчул - Тӧӧ пазы (9,58 км), ідӧк Ағбан - Саяногорск автомобиль чолындағы путепровод нааҷылалар.
Ағбан агломерациязы хоостыра Ағбан - Саяногорск (2 км) паза Ағбан - Ах тобырах (3,б1 км) автомобиль чолларын тыхтап салары кӧрілче.
Ағбан городта 11,42 км орамаларда тиксі тыхтағ тоғыстары апарылар, ол санда Пушкиннің ор. - 1,93 км, Советскай ор. - 0,65 км, Итыгиннің ор. - 1,57 км, Щетинкиннің ор. - 1,97 км, Чоннар ынархазы пр. - 1,55 км, ікі участок Гагариннің ор. - 2,1 км, Крыловтың ор. - 0,5 км паза Некрасовтың ор. - 1,15 км нааҷылалар.
Харатаста Советскай орамада 5,25 км тыхталар.
Ағбан пилтірі аймаандағы Чапаев аалда Мир орамазында 0,52 км паза Тазоба пилтірі аалда Зеленай орамада 0,26 км тыхталар. Пу аалларда тыхталар чолларның узуны 0,78 км тиңнелче.
Пу тусха 17 объекттің сигізі план-графикке киріл парған. Пасха объекттерҷе хазна экспертизазын иртірері тоозыл парир. Ідӧк аукцион пічіктерін тимнир тоғыс апарылча.
Чоллардағы тоғыстарны толдырарға контракттар федеральнай проектнең кӧріл парған тусха - 31 майға теере - иділ парарлар.
Автор :
Хакасияның транспорт паза чол хонии министерствозы
Пн | Вт | Ср | Чт | Пт | Сб | Вс |
25 | 26 | 27 | 28 | 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде