ААЛ ХОНИИН ТИЛІДЕРІНЕ - ЧАХСЫ ХАБАЗЫҒ
28.02.2020
Хабарлар
Нацпроекттер. Хакасияда аал хониин тилідерінҷе нацпроекттер чуртасха кирілері узарадылча
«Фермерлерге хабазар паза аалдағы кооперацияны тилідер пірге оңдайлар тӧстирі» регион проекті хоостыра мындағ кӧстеглерҷе тоғыс апарылча: аал хонии кооперацияларынҷа паза фермерлерге хабазарынҷа компетенциялығ кіннің тоғызына субсидия пирері; кресен (фермер) хоныхтарына грант хабазии пирілче; аал хонии кооперативтерін тӧстиріне паза тилідеріне субсидиялар пирері.
2019 чылда кресен (фермер) хоныхтарын тӧстиріне паза тилідеріне гранттарға 39,5 млн салковай кӧрілген, аал хонии кооперативтерін тӧстиріне паза тилідеріне субсидияларға - 4 муң 572 млн салковай, компетенциялығ кіннің тоғызына - 480 муң салковай.
Нацпроекттер ідӧк аал хонии ас-тамаан паза ниме-нооларны экспортха сығарарға полысча. Азынада сананыстар хоостыра, Хакасияның аал хонии ас-тамаа экспортха 1,660 млн США долла-рына сығарылған.
2017 - 2019 чылларда экспортха сығарылған ас-тамах санында чахсы кӧзідіглерні кӧзіткен «Сибирские природные дикие растения» ООО-ның Хыдатсар ызылчатхан «СибЧага» ниме-ноозы. Амғы туста предприятие-экспортёр Вьетнам рыногынзар сығарынҷа тоғыс апарча.
Олох туста 2024 чылға теере экспортха сығарылчатхан Хакасияның аал хонии ас-тамаа синін ӧскіріп алар пӧгіннең проектке наа араласчылар тартылча. 2019 чылда «Кондитерский дом «Слаткарница» ООО шоколадтаң тимнелген тадылығ ас-тамаан экспортха сығарар сурығҷа Белоруссияда, Словенияда паза Казахстанда тоғазығлар иртірген. Амғы туста хазна пірігістері полызиинаң тадылығ нимее пічіктернең пасха хан чирлеріндегі рынок кирексіністеріне килісчеткені паалалча.
Ідӧк Хакасияның хай пірее предприятиелері экспортха кӧстегліг наа ниме-ноо сығарарынҷа тоғынчалар, ол санда «Таштыпское» потребительлер пірігізі (аймах-пасха оттар паза ӧзімнер), «Меда Саянские из Сибири» аал хонии кооперативі (мӧӧт ас-тамаа), «Краснопольский холдинг» аал хонии кооперативі (хой иді), «Вива-Лаб» ООО (хой-ӧскілер).
Автор :
Алексей БАИНОВ
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде