ААЛДАҒЫЛАРҒА ЧУРТ
28.02.2020
Хабарлар
Аал хонии тоғынҷыларына, ӱгретчілерге паза имҷілерге «Аалларның пик тилізі» Россияның аал хонии паза ас-тамах министерствозының программазы хоостыра чурт пӱдіріп алар оңдай пирілче.
Программа хоостыра хорадығларның 80 процентін федеральнай бюджет айландыр пирер, пасхазын - тоғыс пирчеткеннер паза орындағы бюджет. Хакасия пазының орынҷызы Ирина Войнованың чооғынаң, пу хорадығларны муниципалитеттерге республика компенсация оңдайынаң айландырар. Чурт социальнай найм чӧптезиинҷе пирілер, пис чыл пазынаң тоғынҷы аны позына пазып алар.
Амғы туста муниципалитет пастарына, наа специалисттерні кирексіпчеткен ведомстволарға паза чурт оңдайларын чахсыландырарға сағынчатхан аал чуртағҷыларына пу сурығ хоостыра чапчаң хайынарға кирек. Сурығларнаң Хакасияның аал хонии паза ас-тамах министерствозынзар пу телефонҷа сығдырадарға чарир: 305-124.
Автор :
Ольга ЖЕРНАКОВА
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде