ЧУРТ АЛЧАТСА...
17.03.2020
Хабарлар
Сурғазар - нандырчабыс.
Росреестрнiң Хакасияҷа управлениезінің специалисттері республика чуртағҷыларының аймах сурығларына нандырчалар
- Квартира минің 15 частығ оолғыма пазылых. Аны садып, улуғ арах чурт аларға сағынчабыс. Квартираның садығ чӧптезиин нотариуста киречілирге кирек полар ба?
- Чазы читкелек кізінің алай пос алынҷа тудынар праволары хызырылған кізінің тибіреділбинчеткен ис-пайының садығ киректерін хайди даа нотариуста киречілирге кирек.
- Квартираны банктаң кредит алған ахчаа садысчам. Хайдағ тусха мағаа собственность правозын санға турғыс пирерлер?
- Ис-пайны кредит ахчазына садысчатса, анда пасха оңдай кӧрілбеен полза, закон хоостыра ипотека сых килче. Аннаңар чуртха собственность правозы санға мындағ тустарға турғызылар:
- пис кӱнге, пічіктер кадастр палатазының офизінзер пирілген полза;
- читі кӱнге, пічіктер МФЦ-зар пирілзе;
- ӱс паза пис кӱнге, пирілген пічіктер нотариуста киречілелген полза;
- пазағы кӱнде, чӧптезіг нотариуста киречілелген паза пічіктер электроннай кӧрімде пирілген полза.
- Хазна санына турғызарға пирілген пічіктерні хайдағ сылтағха кӧрбин айландырарға чарир?
- Пічіктерні кӧрбин айландырғаны хазна санына турғызарға чарадылбинчатханын таныхтабинча. Пічіктер кӧрілбин айландырылчалар:
- пічіктерде хоза пазылған, сиилген сӧстер паза пасха даа тӱзедіглер пар полза;
- хазна пошлиназы тӧлелгеннеңер искіріг чох полза;
- ЕГРН-да собственник чох пічіктерні хазна санына турғызарға чарадылбинчатханнаңар танығ пар полза;
- айланчатхан кізі сурыныста хол салбаан полза.
- Мин квартирамны сатчам, садысчатхан кізінең хада МФЦ-зар айланғаныбыста, анда санға турғысхан ӱчӱн 2000 салковай тӧлирге кирек тіп чоохтааннар. Кем аны тӧлир - садығҷы алай садысчатхан кізі?
- Квартираа собственность правозын санға турғызар ӱчӱн хазна пошлиназын - 2000 салковайны - садысчатхан кізі тӧлир. Квартира ӱлӱстіг собственностьха алылчатса, 2000 салковай хазна пошлиназын ӱлӱстер синінҷе тӧлепчелер.
- Наследство алчатханын киречілепчеткеннеңер чарғы чарадиинҷа тибіреділбинчеткен ис-пайға правоны санға турғызарға чарир ба?
- Наследстваа правонаңар киречілепчеткен пічікті нотариус наследствоны алчатхан кізілерге пирче. Андағ пічік пирерге искіріглер чидіспинчетсе, нотариус наследствоны чарғы пастыра алардаңар чоохтапча. Чарғы чарадығ алған соонда, наследник киречілепчеткен пічік аларға нотариуссар айланча. Чарғы, наследствоны алчатханын кӧріп, нинче ис-пай паза нинҷе наследник полчатханын кӧрбинче. Чарғы айланған кізі наследство алчатханын на киречілепче, аннаңар андағ чарадығ хоостыра правоны санға турғызарға чарабас.
Автор :
Тимнеен Николай СУЛТРЕКОВ
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде