КОРОНАВИРУС - НАА ЧУҒЫНҶАХ АҒЫРЫҒ
18.03.2020
Хабарлар
Сизіндіріг. Коронавирус чуғынҷах ағырығдаң арачыланар ӱчӱн, аннаң тоғыр профилактика оңдайларына тудыныңар.
Коронавирус (COVID-19) - наа чуғынҷах ағырығ. Аннаң ӧӧнінде кискек ағырығларынаң чіли ағыр сыхчалар: кізі иді ізіпче, пас ағырча, чидіріг сығысча, тынарға аар полыбысча, кізі кӧӧ-саа чох полыбысча, хустырча, істі сӱрдірче.
Постың хазиин хайраллир ӱчӱн, санитарнай имҷілер пу ағырығдаң тоғыр профилактика оңдайларына тудынарға чӧп пирчелер:
1. Кӧп чон чыылысчатхан орыннарзар чӧрбеске, ол санда садығ кіннерінзер, спорт паза пасха даа улуғ мероприятиелерге.
2. Кӧп чон чыылысчатхан чирлерде имнег масказынаң (респираторнаң) тузаланыңар. Аны полған на 2-3 час пазынаң алыстырып одырарға.
3. Кискектепчеткен кізілернең пір чирде поларға кӱстенмеңер, олардаң оортах тудынарға харазыңар.
4. Тасхар полған соонаң холларны сабыннаң хайди даа чуурға.
5. Тузаланчатхан гаджеттернің, оргтехниканың дезинфекциязын иртірерге.
6. Кізілернең хол тутпин, хуҷахтаспин изеннезерге кӱстеніңер.
7. Хайди даа гигиенаа тудыныңар.
Коронавируснаң ағырыбысханына чігленіс пар полза, посты хайди орта тудынарға кирек?
1. Ибде одырарға. Сағ чохтаныбыссаңар, имҷіні хығыртыбызыңар. Халғанҷы ікі неделя аразына ноо чирлерде пол килгеніңерні ағаа искір пиріңер. Имчінің чӧбіне тудыныңар.
2. Ағырығны пасхазына чухтырбас ӱчӱн, ағырбинчатхан кізілернең тоғазарға кӱстенмеңер, улам на улуғ частығларнаң. Ағырчатхан кізі соонҷа пір ле кізі кӧр турзын.
3. Чиділчетсе, ахсыңарны салфетканаң алай сӱбӱрекнең чабарға кирек.
4. Гигиенаа тудынып, постың на ниме-ноозынаң тузаланыңар. Пір ле хати тузаланчаң ідіс-хамыс ползын.
5. Чуртты арығ тударға. Кӧзенектерні удаа азып, киині арығлирға.
Автор :
Роспотребнадзорның Хакасияҷа управлениезі
Пн | Вт | Ср | Чт | Пт | Сб | Вс |
24 | 25 | 26 | 27 | 28 | 29 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы