СООХТАР ДАА ХАРЫҒ ПОЛБААН
15.02.2019
Хабарлар
Спорт. Асхыстағы С.З.Карамчаковтың адынаң спорт комплексінде олаңай кӱресче турнир ирткен. Анда 2002 - 2004 чылларда тӧреен оол-хыстар араласханнар.
Регион аразындағы марығлар Сеулда ирткен Олимп ойыннарында хола медаль утхан Сергей Карамчаковтың хумартхызына чарыдылғаннар. Соох таа полза, кӱреске хынчатхан улус спорт комплексінзер кӧместең чыылысхан. Марығлар 11.00 часта пасталғаннар, олох туста чарғыҷылар пастағы кӱресчілерні кибіске хығырчатханнар. 2-3 хабыс ирткен соонда, марығ пайрамни азыларын чарлабысханнар.
Пастыхтар изере турыбысханнар, оларнаң хости - чарғыҷылар. Марығны азып, чоох тутханнар Асхыс аймааның пазы Абрек Челтыгмашев, Хакас Республиканың спорт министрінің орынҷызы Виталий Мордакин паза Тува Республиканың Ӧӧркі Хурал депутады Радислав Николаевич Наважап. Ідӧк сӧс пиргеннер Хакас Республиканың Ӧӧркі Чӧп депутады Олег Ивановха.
Алғыстастар соонаң кӱрес пазох пасталыбысхан. Ӧӧн чарғыҷы полған Виктор Бурнаковтың искіриинең, пу марығда 89 кӱресчі араласхан. Пістің кӱресчілердең пасха Тува Республиканың паза Кемеров облазының спортсменнері устарын сынааннар.
Марығ иирзер тоозыл парған. Хыстар аразында орыннарны піди ӱлескеннер:
43 кг кӧдірімде - Валерия Карамчакова, Асхыс аймаа,
46 кг -
I орында Алтынай Топоева,
II орында Мария Мамышева, Асхыс аймаа,
49 кг -
I орында Юлия Боргоякова, Асхыс аймаа,
53 кг -
I орында Юлия Воронова, Новокузнецк,
II орында Отчугаш Кудерек, Тува,
III орында Агата Торбостаева, Кристина Кочелакова, Асхыс аймаа,
57 кг -
I орында Ольга Чертыкова,
II орында Тарина Бытотова, Асхыс аймаа,
61 кг -
I орында Арина Наумова, Новокузнецк,
II орында Айсели Асочакова, Асхыс аймаа,
69 кг -
I орында Анастасия Некрасова, Новокузнецк,
II орында Карина Мастракова, Асхыс аймаа.
Ооллар аразында орыннарны піди ӱлескеннер:
38 кг -
I орында Марат Боргояков, Асхыс аймаа,
II орында Константин Иптышев, Асхыс аймаа,
III орында Менги Монгуш, Ангыр Салчак, Тувадаңнар,
41 кг -
I орында Родислав Чучунов,
II орында Дамир Кайдараков,
III орында Фёдор Бурнаков, ӱзӧлең Асхыс аймаанаң,
III орында Эдуард Мазяков, Новокузнецк,
44 кг -
I орында Найдан Иргит, Тува,
II орында Александр Кузургашев, Асхыс аймаа,
III орында Денис Чочиев, Асхыс аймаа,
III орында Борбан-оол, Тува,
48 кг -
I орында Аскар Тюмереков, Асхыс аймаа,
II орында Арсений Манчин-оол, Тува,
III орында Валерий Сазанаков, Асхыс аймаа,
III орында Вадим Чебокчинов, Пии аймаа,
52 кг -
I орында Даниил Толмашов, Асхыс аймаа,
II орында Денис Чебодаев, Пии аймаа,
III орында Кудерек Мыргыстый, Тува,
III орында Александр Кулимеев, Асхыс аймаа,
57 кг -
I орында Азар Тюдешев, Асхыс аймаа,
II орында Руслан Пастаев, Ағбан,
III орында Александр Арчимаев, Асхыс аймаа,
III орында Вячеслав Шабанян, Новокузнецк,
62 кг -
I орында Максим Мезенцев, Асхыс аймаа,
II орында Данил Кыскараков, Асхыс аймаа,
III орында Игорь Юктешев, Асхыс аймаа,
III орында Исмаилшин Кадыров, Ағбан,
68 кг -
I орында Даниил Саков, Ағбан,
II орында Никита Никишин, Асхыс аймаа,
75 кг -
I орында Артём Никулин, Новокузнецк,
II орында Александр Бахман, Ағбан пилтірі аймаа,
85 кг -
I орында Эртима Тукуш, Тува,
II орында Семён Степанов, Новокузнецк,
III орында Дмитрий Букванов, Асхыс аймаа.
Чиңісчілерге медальларны, Аарластығ пічіктерні министр орынҷызы Виталий Мордакин, Ӧӧркі Чӧп депутаттары Олег Иванов, Николай Разумов читіргеннер. Тува аалҷызы Радислав Наважап алынңа сыйыхтар ағылтыр.
Чиңісчілернің аразында таныхтирға кирек 48 кг кӧдірімде чиңісчі пол парған Аскар Тюмерековты. Пу кӧдірімде Сергей Карамчаков кӱрескен нооза.
Марығ соонда Виктор Бурнаковтаң марығ хай синде ирткенін сурғам. «Иң не ӧӧні пиртіктер чох полды. Хомзыныстығ, кӱресчілер асхынах араласхан. Іди киліс парған, прайзы пос регионында федеральнай округ марығларына тимненче. Аннаңар кил полбааннар», - теен ол.
Автор :
Михаил ИДИМЕШЕВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы