АЗЫХ ӰЗӰРІГЛЕР ИРТПЕЕН
23.08.2019
Хабарлар
Кӱн сурии. Орғах айының 22-ҷі кӱнінде Пии аалда Алахтайлар аал чӧбі чирінің пӱдізінің ӧӧн планына алызығлар кирерінеңер азых ӱзӱріглер иртерге кирек полған
Пии аймааның устағ-пастаа, «УК «Майрыхский разрез» ООО-ның айланызына тӧстеніп, азых ӱзӱріглерні ол кӱн иртірбеске чаратхан.
Киҷее Пии аймааның Культура туразының кӧрігҷілер залында Алахтайлар аал чӧбінің паза пу сурыға сағыссырапчатхан республиканың чуртағҷылары чыылысханнар. Кӧбізі азых ӱзӱріглерні пу кӱнде иртірбеске чарадылғанын пілбеен. Чыылған чонға алылған чарадығны Пии аймаа ис-пайынаң устирынҷа комитет кнезі Сергей Мякишев искірерге кил парған.
Чоохтирға кирек, Алахтайлар аал чӧбі чирінің пӱдізінің ӧӧн планына алызығларны кирерінҷе пастағҷы «УК «Майрыхский разрез» ООО полча. Предприятие аал хонии чирлерін промышленность чирлеріне кирерге сурынча. Пазағы азых ӱзӱріглер пуох орында ӱртӱн айының 20-чі кӱніне турғызылғаннар. Ол Алахтайлар аал чӧбінде чирнең тузаланар паза пӱдіріг апарар правилоларға алызығлар киреріне чарыдылар.
Автор :
Наталья СУБРАКОВА
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде