ХАРАТАСТА - ОБСЕРВАЦИЯЛЫҒ ИМНЕГ ТУРАЗЫ
08.04.2020
Хабарлар
Имнег кирее. Харатастағы пала тапчаң тура коронавирус чуғынҷах ағырығ тарапчатхан сылтаанда амды обсервациялығ имнег туразы чіли тоғынча. Андар кискектепчеткен тойлығ ипчілерні чатыр турарлар.
Кискек ағырығларның сығысчатхан сылтаа аймах-пасха поладыр. Чуғынҷах ағырығлар іҷе поларға тимненчеткен ипчілернің хазиина улуғ хорғыс ағылчалар. Эпидемия тузында ор хазых пациенттерні кискектепчеткеннердең пӧлерінҷе тоғыс апарыларға кирек. Амғы туста, азах аар ипчілернің паза ыңааҷахтарның хазиина хорғыс чох полар ӱчӱн, Россияның прай регионнарында обсервациялығ пала тапчаң туралар тӧстелчелер. Анда кискектепчеткен ипчілерні имнирлер.
Хакасияда обсервациялығ имнег туразына Харатастағы пала тапчаң тура кӧріл парған. Андағ имнег организациязын хысхаҷах тус аразына тӧстебізерге киректелген. Республиканың хазых хайраллаҷаң министерствозы пала тапчаң тураларның устағҷыларынаң паза специалисттерінең пірге істезіг тоғызын иртірібіскеннер. Салтарында, Харатастағы пала тапчаң турада обсервациялығ имнег туразын тоғындырарына прай оңдайлар пар тіп чарадыға килгеннер. Амғы имнег оборудованиеліг имнег туразында прай пӧліктер пар: операционнай, пала тапчаң алынҷа заллар, реанимация пӧлии, ыңааҷахтарға терапия полызиин пирҷең палаталар.
Анда акушер-гинекологтар, реаниматологтар, неонатологтар, УЗИ істезіглерін иртірңең имҷілер, хараа-кӱнӧрте тоғынып, имнег полызиин пирчелер. Ідӧк анда улуғ опыттығ имнег тоғынҷылары істенчелер.
Харатастағы пала тапчаң тура Хакасияның ӧӧн городы Ағбанға чағын. Тың ағырчатхан ипчілерні паза час палаларны ӱс улуғ имнег учреждениезінзер читіріп аларға оой полар: Г.Я. Ремишевскаяның адынаң республиканың имнег туразынзар, перинатальнай кінзер паза Харатастағы имнег туразынзар.
Автор :
Татьяна ЛУКУЦ
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы