ХАКАСИЯДА ЛАБОРАТОРИЯ ІСТЕЗІГЛЕРІНІҢ САНЫ ӦСЧЕ
13.05.2020
Хабарлар
Чыылығ. Россия президентінің Сибирьдегі федеральнай округча полномочиеліг кізізі Сергей Меняйло коронавирус ағырығны тохтадарынҷа паза аннаң харбазарынҷа Координационнай штаб чыылиин иртірген
Видеоконференцияҷа ирткен чыылығда Хакасия пазы Валентин Коновалов араласхан. Сибирьдегі федеральнай округта COVID-19 ағырығнаң ағырыбысханнарның саны кӱннің сай ӧсче. Сибирьнің регионнарын алып алза, Хакасияда иң кӧп кізі ағырча.
Хайди таныхтаан штаб чыылиинда Валентин Коновалов, пір суткада республикада 400-че лабораторнай істезіг иртірілче, пірееде 900 тее істезіг идерге килісче. Лабораторияларның кӱстері сыбыра алғыдылча, аннаңар анализтерні чапчаң паза орта идерге оңдай пар.
Ирткен айда республиканың имнег учреждениелерінде коронавирус кӧп сығыс килгенде, ӱс учреждение карантинге чабылған. Ирткен неделяда ікі имнег тура тоғызын пазох пастабысхан - ол республиканың имнег туразы паза Алтай аймаандағы Хубачардағы имнег туразы. Ағбан городтың имнег туразында, тізең, тоғынҷыларның паза пациенттернің аразында ам даа ағырчатханнар сығыс килче.
Хакасияда коронавирусты тохтадып алар тоғыс сыбыра апарылча. Іди ибдең сыхпас паза маска кис чӧрер режим 17 майға теере узарадылған. Ағаа хоза санитарнай обработка сыбыра иртірілче.
Коронавируснаң ағырыбысханнарның саны кӧптең кӧп полчатханда, СФО-ның регионнарында хоза орғаннар тимнир тоғыс парча. Хайди сизіндірген Координационнай штаб чыылиинда Сергей Меняйло, Россия президентінің чарадии хоостыра пу тоғыс 15 майға теере толдырыл парарға кирек. Чыылығ араласчылары ідӧк экономикаа хабазар сурығны кӧдіргеннер.
- Піс прайзыбыс сизінчебіс, кирілген режимні кӧӧлче нымзадарға киректеңер. Че регионнар аннаң санитарно-эпидемиологическай кирексіністерге тудынып, ипти сығарға киректер. Ідӧк пирілген чарадығлар хайди даа толдырыларға кирек, - таныхтаан Сергей Меняйло.
Автор :
Хакасия пазының паза правительствозының хабарлар пӧлии
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы