ТИЛЕКЕЙДЕГІ ИҢ ЧАХСЫ ЗАВОД
21.12.2016
Хабарлар
РУСАЛ компанияның Хакас алюминий заводында пастағы металл сығарылғаннаң 10 чыл толғанына чарыдылған пайрамнығ мероприятие иртті. Аның аалҷылары полғаннар Россияның пӱӱнгі кӱнге иң чахсы алюминий заводының ветераннары, пӱдірігӌілері, проект тимнепчеткеннері паза иң чахсы тоғынчатханнары.
Хакас алюминий заводының ветераннарын предприятиенің ӧӧн пӧліктерінің тоғызынаң таныстырғаннар: электролизнай производствода - амғы краннарнаң паза пазтығ анодтарнаң, олар сығарыста чарытхынаң чахсы тузаланарға полысчалар. Литейнай пӧлікте - Properzi комплекснең, аның полызиинаң 10 килограммнығ алюминий кизектері сығарылар. Комплекс ХАЗ-та чылда 82 муң тоннадаң 202 муң тоннаа теере алюминий сығарар.
Устапчатхан директор Евгений Попов заводтың проектін тимнеен, аны пӱдірген паза тоғысха кирген кізілерні алғыстаан. Хакас алюминий заводының иң чахсы 35 тоғынҷызы Аарластығ паза алғыстас пічіктерінең таныхтатхан.
Автор :
Надежда ЦВЕТКОВА
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 1 | 2 |
Кӱн таңмазы
Хакасияда
Россияда
Тилекейде