МАЛ АХЧАЗЫ - НАА ОҢДАЙНАҢ
26.07.2019
Хабарлар
Кӱн сурии. 2013 чылдаң сығара Хакасияның кічіг паза ыраххы аалларының чуртағҷылары мал ӱчӱн ахча ал турғаннар. 2019 чылдаң пасти мал ахчазы наа оңдайнаң тӧлелер. Алызығлар кирердеңер чарадығ пӱӱл хосхар айында алылған
Амды аалдағыларға мал ӧскірчеткен ӱчӱн тӧлеглерні 5 інек, 10 ине хой паза 1 пии ӱчӱн не аларға чарир. Тӧлеглер сині олох син халча: інек ӱчӱн - 572 салковай, ине хой ӱчӱн - 52 салковай, пии ӱчӱн -156 салковай. Пічіктерні Хакасияның аал хонии паза ас-тамах министерствозынзар чылда ікі хати пирерге кирек. Чыылған пічіктер республиканың істеніс паза тоғыс табарынҷа министерствозынзар ызылчалар, аннаң сығара аалдағылар «Хакасияның чуртағҷыларына тоғыс табарына хабазары» программаҷа субсидия алчалар. 2019 чылның пастағы чарым чылына Хакасияның финанстар министерствозы 88 кічіг аалның 963 чуртағҷызына 12 миллион салковай позыдыбысхан. Пос хонии ээлері аразында иң кӧп ахча 21 муң 216 салковайға читче.
- Пу программа хоостыра кӧрілген ахча пос хониин апарарға полызар пӧгіннең пирілче. Халғанҷы туста, тізең, кічіг аалларның хай пірее чуртағҷылары пу хабазығны 100 інекке, 500 ине хойға ал сыхханнар. Ол пос хонии нимес, бизнес полчатханын прайзы даа пілче, - чарытча Хакасияның аал хонии паза ас-тамах министрінің тоғызын толдырчатхан Александр Башков.
Министерствода пу тӧлеглер ӱзӱрілгеннер паза пос хониина килістіре маллар саны кӧрілген. Пос хониинда 5 інектең, 10 ине хойдаң кӧп маллығ кізілерге фермер хониин санға турғызарға чӧп пирілче. Анаң, Хакасияның аал хонии предприятиелерінің санына кірер ӱчӱн, аал хонии министерствозынзар айланарға кирек. Андада хазна субсидиязы тӧлелер. Кресен-фермер хониин азарынаң палғалыстығ сурығларҷа республиканың аал хонии паза ас-тамах министерствозы толдыра искіріг пирче.
Автор :
Алексей БАИНОВ
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы