ЧУРТАҒҶЫЛАР ТӦРЕЕН ААЛЛАРЫНЗАР АЙЛАНЧАЛАР
17.05.2017
Хабарлар
Орджоникидзе аймаандағы Хоҷых аалда 2015 чылның апрель айындағы ӧрттер сылтаанда прай социальнай пӱдіріглер кӧй парған, ол санда фельдшер-акушер пункты. Ӱлгӱлер чарадиинаң олох чыл аалда наа школа, клуб паза ФАП пӱдірілген. Пу наада ФАП-тың тоғызын Хакасия пазы Виктор Зимин кӧр килген.
Фельдшер Вера Фёдорова паза санитарка Зинаида Лихачёва наа пӱдірігзер 2015 чылның ноябрь айындох кіргеннер. Наа ФАП-та тӧрт пӧлік кӧріл парған: устағҷының, олғаннарны кӧрҷең, процедуралар паза прививкалар пӧліктері. Полғанында ла килістіре оборудование турғызылған. Истіг паза чарых турада имнег киреендегілерге дее істенерге, аал чуртағҷыларына даа полызығ аларға чахсы.
Республика пазы Виктор Зиминге ФАП-тың тоғызынаңар Орджоникидзе аймаандағы ӧӧн имҷі тоғызын толдырчатхан Валентина Кулымова чоохтаан. Иң пастағызын Валентина Николаевна Хоҷыхсар аннаң кӧскен чон айланчатханнаңар искірген. Аалдағыларға паза ӱлгӱдегілерге ол ӧріністіг хабар: ӧрт соонаң аалда 108 чуртағҷы халарға чаратхан, амды анда 116 кізі чуртапча. Фельдшер Вера Константиновнаның чооғынаң, чуртағҷылар аалдаң кӧзерге чаратханнарына ачырғанчалар.
Аал кӧрімі, тізең, пілдірте алыс парған. Наа школа,культура туразы, ФАП, олғаннарға ойнаҷаң орын, ағаа хоза Чиңіс кӱніне Илбек Ада чаа араласчыларына хумартхы тас турғызылған. Наа туралар аразынҷа асфальттығ чол тартыл парған. Тахта ідӧк нааҷылал парған. Ағаа хоза, аал кічіг паза ыраххы ааллар санына кірче, аннаңар аны хайраллирына паза тилідеріне алынҷа хайығ айландырылча. Аал сурығларын пӧгерге паза оларны сыныхтағда тударға полысча Хакасияның спорт министерствозы. Андағ оңдайнаң кічіг аалда улуғ-кічіге чуртирға истіг, оларның мыннаң мын-дархы чуртазы - ізестіг паза тӱзімніг!
Автор :
Наталья СУБРАКОВА
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы