ХАБАЗЫҒ - 200 МУҢ КІЗЕЕ
09.06.2017
Хабарлар
Хакасияның социальнай арачыланыс министрi Наталья Карамашева социальнай тоғынӌыларны оларның профессиональнай ӱлӱкӱнінең алғыстаан.
Пӱӱнгі кӱнде республикада социальнай арачыланыс сферазында пӧзік квалификациялығ 2 муңҷа кізі істенче. Аймах социальнай полызығ, тізең, чыл сай 200 азыра муң кізее (республика чуртағҷыларының 37 проценті) пирілче.
- Хакасия правительствозының хабазиинаң пу отрасльның тоғызы сыбыра чахсыландырылча: учреждениелерде наа пӧліктер азылча, тоғынар наа оңдайлар кирілче паза, ветераннарға, палаларға, кинектерге, чуға чуртапчатханнарға полызарына кӧстеліп, республиканың законодательствозы тиліпче. Социальнай тоғынҷылар профессиональнай устарын, Россия паза республика марығларында аралазып , чахсы кӧзітчелер.
Социальнай тоғынҷы кӱнінең отрасльның ветераннарын паза анда істенчеткен улусты алғыстапчам. ізенчем, пу профессияны Сірер тиктең не таллап албаазар , пу оой нимес сферада пасхазының кирексіністеріне полызар кӧңніліг, чобағда хыйа турбинчатхан, хаҷан даа хабазарға тимде кізілер ле тоғын поларлар . Кӱннің сай иділчеткен тоғызыңар паза кирекке нандырығлығ хайчатхан ӱчӱн алғызым читірчем. Чахсы киректернең кізілерге полызып, тоғыста кӧңніңер сыбыра кӧдіріл турзын, - алғыстазында таныхтаан министр Наталья Карамашева.
Автор :
Хакасияның социальнай арачыланыс министерствозы
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы