ТЫНАҒДАЗЫҢ - КОМПЕНСАЦИЯ ПОЛАР
21.06.2017
Хабарлар
Июльдаң сығара Хакасияның, аалда тоғынып, тынаға сыххан имнег тоғынҷылары чурт, чылығ паза чарытхы ӱчӱн ай сай компенсация аларлар. Аның сині - 485 салковай.
Компенсацияны аларға сағынчатханнарға орындағы чонға социальнай полызығ пирҷең управлениезер сурыныс пічиинең айланарға кирек.
Компенсацияны аларына сурыныс пічиин 1 июльға теере пазарға маңнанған кізее компенсация пу тустаң сығара саналар. Ол чуртағҷыларның ікі категориязына пирілче. Пастағызы - 2005 чылның 1 январьы алнында, аалдағы хазна алай муниципальнай организацияда тоғынып, тынаға парған имнег паза фармацевтика тоғынҷылары. Олар пу тоғыста 10 чылдаң асхынах нимес тоғын салған паза тынаға сығар алнында андох істенген поларға киректер.
Ікінҷі категориязы - 2005 чылның 1 январьы соонаң тынаға сыхханнар. Олар ідӧк имнег алай фармацевт должнозында 10 чылдаң асхынах нимес тоғын салған паза тынаға пуох должностьтардаң парарға киректер. Ағаа хоза оларның сӧбірелерінің ортымахти пір кізее килісчеткен парызы Хакасияда кӧрілген чуртап парыбызар иң тӧбін синнең (ол 13711 салковайға тиңнелче) 1,5 хати кӧп полбасха кирек.
Социальнай полызығ аларына кирек пічіктер: посты паза сӧбірезінің кізілерін киречілепчеткен пічіктернің, істеніс книжкаының, ӱгредиин киречілепчеткен пічіктің хобырғаны, сӧбіре парызынаңар справка.
Таныхтирға кирек, пу социальнай по-лызығ аалда тоғынчатхан имнег тоғын-ҷыларына пирілібӧкче. Аны алар ӱчӱн тоғынчатхан орынзар айланарға кирек.
Автор :
Кристина ГИГАНИ
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы