ЧИР-ЧАЙААННЫ ХАЙРАЛЛИРЫНҶА ТОҒЫСТАР АПАРЫЛЧА
27.06.2017
Хабарлар
Хара тас аныпчатхан «Разрез Аршановский» предприятие ахчатхан суғны арығлирынҷа тоғыстарны тыытча.
Анда пір часта 700 куб суғ арығлапчатхан «Векса» наа гидрокомплексті тоғындырыбысханнар. Ағаа хоза, предприятие суғның качествозын уламох тың сыныхтап сыххан.
Ағбан суғда ікі орында суғ сыныхтаҷаң гидрология посттары турғызылған. Андағ чарадығ алылған тоғыс чыылиинда, хайзында араласхан Хакасияның чир-чайаан ис-пайы паза экология министрінің тоғызын толдырчатхан Алексей Сиорпас.
- Ниме-ноо сығарчатханнар оңарчалар, экология сурығларына хайығ салбаза, предприятие тилізі чахсы парбас, - таныхтаан Алексей Сиорпас.
Хакасияның чир-чайаан ис-пайы паза экология министерствозы разрезтің суғ арығлаҷаң пӱдіріглернің хыриндағы чирлерде ағастар одыртарына харағай хорбыларын пирер. Ағаа хоза, предприятие Аршаннар аалның паза санитарнай орынның хырығларында тиректер одыртарға пӧгінче. Тирек - киині тозыннаң чахсы арығлапчатхан ағас. Тозын тың кӧдірілбезін тіп, разрезтегі чоллар сыбыра суғлалчалар.
Чир-чайаанны хайраллирына 2016 чылда «Разрез Аршановский» 120 миллион салковай позытхан. Пу ахча суғ арығлаҷаң ниме-ноо пӱдіриине, суғ, кии, чир сыныхтирына паза пасха даа тоғыстарға хорадылған.
Хакасияның чир-чайаан ис-пайы паза экология министерствозы хара тас аныпчатхан компаниялар чир-чайаанға хорғыс ағылчатханын алғым сыныхтир. Пу чағында мобильнай лаборатория тӧстирі кӧрілче.
Автор :
Александра ШЛЫК
Пн | Вт | Ср | Чт | Пт | Сб | Вс |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы