ХАЗЫХ ЧУРТАС ӰЧӰН
14.08.2020
Хабарлар
Хакасия пазының социальнай сурығларҷа орынҷызы Татьяна Курбатова паза республиканың спорт министрі Владимир Кретов Ағбандағы спорт пӱдіріглері пӱӱл тузаланысха кирілерін сыныхтааннар. Оларнаң хада сыныхтағлығ чорыхта араласханнар Ағбан город администрациязының нандырығлығ тоғынҷылары.
Иң пастап сыныхтағҷылар Ағбандағы теннис кінінде пӱдіріг тоғыстары хайди парчатханын кӧргеннер. Федеральнай кіннең «Демография» нацпроектті чуртасха кирерге кӧстегліг оңдайнаң 35 млн артиинаң салковай позыдылған. Республика даа, Ағбан даа пу пӱдірігні тузаланысха кирерге ахча позытхан. Прай 20 млн артиинаң салковай хозылған. Ағбандағы теннис кіні 2020 чылда тимге сығарға кирек полған. Пӱӱнгі кӱнге аның тимге сыхханы 39 %-ке тиңнелче. Аннаңар ікі ай мының алнында Хакасияның пазы Валентин Коновалов аны тимге сығарарға республика бюджедінең 20 млн салковай хоза пирердеңер чарадығ алыбысхан.
Амды теннис кінінің чабиин тимге сығарчалар. Кирек оборудование паза мебель аларына ам даа ахча киректелче. Республика бюджедінең 3,5 млн салковай, Ағбан бюджедінең 2,5 млн салковай хоза позыдары кӧрілче. Хайдағ даа сидіксіністер полза, теннис кінін пӱӱл тузаланысха кирерге пӧгін тутчалар.
Татьяна Курбатова сыныхтағлығ чорых тузында теннис кіні хыринда пӱдірілчеткен арған чабығлығ улуғ стадион, ниик атлетиканаң айғасчаң ӧнетін тӧзегліг чоллар хайди тимге сыхчатханын кӧрерге маңнанған. Ол пӱдіріг ідӧк пӱӱл тузаланысха кирілерге кирек. Мында пӱдіріг тоғыстары маңнаныстығ парчалар тиирге чарир. Тимге сыхханы 80 %-ке тиңнелче.
Хайди таныхтапчалар тоғысчылар, проекттің ӧӧн чардығы тимге сых таа парды. Футбол ойнаңаң арған чабығлығ улуғ стадион паза ниик атлетиканаң айғасчаң чоллар кӧрілген тусха тимге сых парарға киректер.
Сыныхтағлығ чорых тузында пастыхтар Хызыл Ағбанда пӱдірілчеткен универсальнай спортзалны кӧрерге маңнанғаннар. Ол Кедровай орамада орныхча. Мында кирек хомай ла нимес. Тимнегліг тоғыс 60 %-ке толдырыл парғаны таныхталған. Амды пӱдірігҷілер спортзалның істіндегі тоғыстарын толдырчалар. Олох арада спортзалның тастындағы кӧрімін чахсыландырар тоғыстар тохтабинчалар. Хызыл Ағбан микрорайонда спортзал пӱдіреріне федеральнай бюджеттең 12 млн, республика бюджедінең 1 млн, Ағбан бюджедінең 8 млн салковай позыдылғаны таныхталча. Прай пу хорадығлар «Демография» нацпроект хоостыра парчалар. Пу пӱдіріг дее пӱӱл тузаланысха кирілерге кирек. Тоғыс хайди парчатханын сыныхтаан туста федеральнай нацпроект пӱӱл чуртасха кирілерге кирек. Хубачарда полғаннар. Алтай аймааның кінінде арған тӧзегліг улуғ стадион паза ниик атлетиканаң айғасчаң ӧнетін тӧзегліг чоллар пӱӱл тимге сығарға киректер. Онетін тимнелген тӧзеглер Хубачарға федеральнай нацпроект хоостыра толдыразынаң пиріл парғаны таныхталған. Пӱдіріг тоғыстарын толдырарға федеральнай бюджеттең 40 млн салковай позыдылған. Республика бюджедінең 9,8 млн салковай пирілген.
Тиксі Россияда ГТО комплексінің нормативтерін толдырарына улуғ хайығ айландырылча. Аннанар Хакасия пазының орынңызы Татьяна Курбатова паза республиканың спорт министрі Владимир Кретов сыныхтағлығ чорых тузында Ағбан пилтірі аймаандағы «Химик» стадионда полғаннар. Пӱӱл анда ГТО комплексінің нормативтерін толдырҷаң орын тимге сығарға кирек. Прай кирек оборудование орындағы муниципальнай пӱдіске толдыразынаң пиріл парған, орын тимде. Амды ол оборудованиені килістіре турғыс саларға кирек. Монтаж тоғыстары пу чағынғы кӱннерде пасталары кӧрілче.
Хакасия пазының социальнай сурығларҷа орынҷызы Татьяна Курбатова паза республиканың спорт министрі Владимир Кретов Ағбандағы спорт пӱдіріглері пӱӱл тузаланысха кирілерін сыныхтааннар. Оларнаң хада сыныхтағлығ чорыхта араласханнар Ағбан город администрациязының нандырығлығ тоғынҷылары.
Иң пастап сыныхтағҷылар Ағбандағы теннис кінінде пӱдіріг тоғыстары хайди парчатханын кӧргеннер. Федеральнай кіннең «Демография» нацпроектті чуртасха кирерге кӧстегліг оңдайнаң 35 млн артиинаң салковай позыдылған. Республика даа, Ағбан даа пу пӱдірігні тузаланысха кирерге ахча позытхан. Прай 20 млн артиинаң салковай хозылған. Ағбандағы теннис кіні 2020 чылда тимге сығарға кирек полған. Пӱӱнгі кӱнге аның тимге сыхханы 39 %-ке тиңнелче. Аннаңар ікі ай мының алнында Хакасияның пазы Валентин Коновалов аны тимге сығарарға республика бюджедінең 20 млн салковай хоза пирердеңер чарадығ алыбысхан.
Амды теннис кінінің чабиин тимге сығарчалар. Кирек оборудование паза мебель аларына ам даа ахча киректелче. Республика бюджедінең 3,5 млн салковай, Ағбан бюджедінең 2,5 млн салковай хоза позыдары кӧрілче. Хайдағ даа сидіксіністер полза, теннис кінін пӱӱл тузаланысха кирерге пӧгін тутчалар.
Татьяна Курбатова сыныхтағлығ чорых тузында теннис кіні хыринда пӱдірілчеткен арған чабығлығ улуғ стадион, ниик атлетиканаң айғасчаң ӧнетін тӧзегліг чоллар хайди тимге сыхчатханын кӧрерге маңнанған. Ол пӱдіріг ідӧк пӱӱл тузаланысха кирілерге кирек. Мында пӱдіріг тоғыстары маңнаныстығ парчалар тиирге чарир. Тимге сыхханы 80 %-ке тиңнелче.
Автор :
Валерия БЫВШИХ
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде