ХАДА-ПІРГЕ ТОҒЫНАРДАҢАР ЧӦПТЕЗІГ
04.08.2021
Хабарлар
Тоғазығ. Москвада Хакасия пазы Валентин Коновалов Россия Федерациязының хазых хайраллаҷаң министрі Михаил Мурашконаң тоғасхан
Республика «Хазых хайраллиры» национальнай проектте ӧткін араласча. 2021 чылдаң «Хакасияда пастағы имнег-санитар полызиин нааҷылиры» программа толдырылча. Анзы имнег полызиин табырах паза пӧзік синде пирерге паза ағырығларны ирте ілезіне сығар турарға полызар.
Пу программа хоостыра читі имнег амбулаториязы, тӧрт ФАП паза он ікі фельдшер пункты пӱдірілері паза 20 объектте тиксі тыхтағ тоғыстары иртірілері кӧрілче. Ідӧк 60 автотранспорт паза 67 имнег оборудованиезі алылар.
Аннаң пасха, Ағбан чуртағҷыларының саны хозылчатханнаңар, городта кӱнде 500 кізі чӧрҷең ікі поликлиника пӱдірерге киректелче. Валентин Коновалов мындағ кирексіністеңер Россияның хазых хайраллаҷаң министерство пазына искірген. Михаил Мурашко проектті чуртасха киреріне хабазарға молҷаан.
Паза ӧӧн сурығларның пірсі - ол онкология диспансеріне наа хирургия пӧлиин пӱдірері. Ол тимге сых парза, онкология полызиин оой паза пӧзік синде алар оңдай полар. Чонға пӧзік технологиялығ хирургия полызиин пирерге полызар.
- Таныхтирға кирек, ирткен чылларнаң тиңнестірзе, регионда кадрлар чидіспинчетсе дее паза ахчанаң сидіксіністер полза даа, хазых хайраллаҷаң система пик паза чапчаң пол парған тымо тузында даа. Михаил Альбертовичнең пӧгінген проекттерні мыннаң мындар тилідердеңер чоохтас салғабыс. Олар Хакасия чуртағҷыларына имнег полызиин тузында аларға полызарлар паза полызығ сині кӧдірілер, - таныхтаан тоғазығ соонаң Хакасия пазы Валентин Коновалов.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы