АРЫҒ АНДА, ХАЙДА ЧИРНӀ ПОХСАХТАТПИНЧАЛАР
20.09.2019
Хабарлар
****************************************************************************************
- Хакасияның чуртағӌылары, чайғызын кӧллерде, суғлар хазында тынанып, постарының соонаң илееде похсах артысча. Аның сылтаанда суғлар паза аның чарлары кірлелчелер. Чонға иптіг тынанарға кӧнігерге кирек тіп сағынчам.Аннаңар экология ойыннары чуртағӌыларны чир-чайаанны хайраллирға кӧстепче. Сағынчам, мындағ ӱгредігліг акцияларны сыбыра иртір турарға кирек, - чоохтапча Хакасияныу чир-чайаан ис-пайы паза экология министрінің орынӌызы Ольга Лушникова.
«Арығ ойыннар» квест «Экология» национальнай проектче Тиксі Россияның «Сибирьнің арығ чарлары» экомарафон хоостыра иртче. Аннаң Россияның экология министерствозы устапча. Мындағ марафон Томск, Омск, Новосибирск паза даа пасха Сибирьнің городтарында ирткен. Тиксі алза, пу акцияда 50 муң азыра кізі араласханы таныхталча. Хакасия, тізең, пу проектке 2017 чылда хозылған. Иу пастағы квест Асхыс аймаандағы Пилтір аалда ирткен. Анда чииттер Ағбан суғ хазын сӧп-саптаң арығлааннар. Анда 150 азыра кізі араласхан, ол санда республиканың, Асхыс аймааның ӱлгӱзі паза орындағы чуртағӌылар.
Таныхтирға кирек, ирткен чылда «Арығ ойыннар. Арығ суғ» проект Чииттер киректерінӌе федеральнай агентство иртірген грант мариин утып алған. 300 муң салковай Хакасия суғларының чарларын арығлирына пирілген.
- Іди піс Абазада Ағбан суу хазын арығлаабыс, Асхыс, Ағбан пилтірі аймахтарындағы суғ чарларында сӧп-сапты чығабыс, - чоохтапча проекттің авторы Мария Ильящук.
Улуғ проект тоғызын 27 сентябрьда тоозар. Алтай аймаандағы Очыр аалда проекттің араласчылары Ким суғ хазын арығлирлар. Анда ідӧк чииттернең хада Хакасияның халых организациялары аралазары кӧрілче.
Автор :
Оксана СУНЧУГАШЕВА
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде