СУРЫҒ ӰЛГӰ ХАЙИИНДА
14.03.2017
Хабарлар
Хакасияның пазы Виктор Зимин ыраххы кресен-фермер хоныхтарынзар, турлағларзар, алынҷа хоныхтарзар, ол санда наа ла тоғынчатхан фермерлернің хоныхтарынзар чарытхы тартарынҷа чыылығ иртірген. Республика пазының кӧрізінең, сурығны пӱӱн пӧкпезе, мыннаң мындар ыраххы орыннар тузаланылбас, кізілернің, тізең, кӧңнілері тӱзер.
Хакасияның аал хонии паза ас-тамах министрі Игорь Гердттің искіриинең, пӱӱнгі кӱнде республикада 100 азыра хоных чарытхы чох тоғынча. Оларның чардығы чарытхыны аймах оңдайларнаң сығарча. Піреезіне чарытхы тартарға чирге пічіктер тимнелбеені харығ полчаттыр.
«Сибирьнің МРСК-зы» -«Хакасэнерго» ПАО-ның пӧлік директоры Сергей Толстихиннің искіриинең, аның организациязында 66 чӧптезіг сыныхтағда тудылча, оларның 11-ҷе тоғыстар толдырыл парған, пасхазынҷа тоғыстар узарадылча. Тиксі 120 километр чарытхы линиязын тартарға паза 50 хоза станция турғызарға киректелче.
Хакасия пазының орынҷызы Иван Вагнер тоғысчы ӧме тӧстирдеңер сағыснаң сыххан. Фермерлерге чарытхыны хоныхсар тартар оңдайлардаңар искірілер, ідӧк алынҷа хоныхтар оңдайларын істезерлер. Пу сағыснаң республика пазы чарасхан. Аның кӧрізінең, пу тоғыс полызиинаң пілдістіг полар, хайдар чарытхыны табырах тартарға кирек, хайда, тізең, аны сағам пасха оңдайнаң сығарчатханы читкіҷе полар.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
25 | 26 | 27 | 28 | 29 | 30 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 31 | 1 | 2 | 3 | 4 | 5 |
Кӱн таңмазы