БЮДЖЕТ КРЕДИДІ КОММЕРЧЕСКАЙНЫҢ ОРНЫНА
06.09.2017
Хабарлар
Хакасияның пазы Виктор Зимин Россияның финанстар министерствозынаң чӧптезіглер апарған соонда, пу чағында республика бюджедінзер 7 млрд салковай кірер.
Бюджет кредит ахчазы республикаа чылда 0,1 процентке коммерческай банктарға кредиттер тӧлиріне пирілче. Анзы пӱӱл хазна ӧдізіне 150 миллион салковайға хызырыбызар оңдай пирер, килер чылда - 550 миллион салковайға.
- Аннаң пасха, Хакасияа 1 миллиард 200 миллион салковай хоза бюджет кредидін позыдарынҷа чарадығ алылар.
Хакасия пазы Россияның финанстар министерствозына республика бюджедінің сананыстарын кӧзіткен. Сананыстарны паалаан соонда, федеральнай финансисттер пу сурығны ӱзӱргеннер паза сентябрьда ӱс сарилығ комиссияа чарадығ аларына пирерлер, - искірген республиканың финанстар министрi Ирина Войнова.
Министрнің чооғынаң, Москвада 15 сентябрьда ӱс сарилығ комиссияның чыылии иртер, хайзына Хазна Думазының, Россия Правительствозының паза Федерация Чӧбінің кізілері кірчелер. Комиссия ікі сурығны ӱзӱрер: Хакасияа - 1 млрд 200 млн салковай бюджет кредиді паза дотациялар.
Автор :
Светлана СВЕГАЧЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 | 1 | 2 | 3 | 4 |
Кӱн таңмазы