ПОС ТІЛІН ААРЛА!
29.10.2019
Хабарлар
Тимненіс. Республикада Хакас тілі чылына тимненіс парча
Хакасия пазы Валентин Коноваловтың пастаанынаң 2020 чыл республикада Хакас тілі чылы тіп чарлалған. Ӧӧн пӧгін - хакас чонның тілін хайраллиры паза тилідері, чуртағҷыларны аны ӱгренерге кӧӧктірері.
Валентин Олеговичтің чахии хоостыра мероприятиелернің ӱчӱн республиканың национальнай паза территориальнай политика министерствозы нандырча. Министр Михаил Побызаковтың таниинаң, тоғыс хыызында парча. Пӱӱнгі кӱнде министерство, аймах организацияларнаң чоохтазығ апарып, чӧптер чыыпча. Хакас тілі чылын пайрамнирында «Алтынай» халых пірігіс, Н.Ф.Катановтың адынаң Хакас хазна университеді паза ХакНИИЯЛИ ӧткін аралазарлар.
Тоғазығ тузында ідӧк Пии аймаанда иртірілчеткен марығдаңар чоох парған. Аның полызиинаң 1-ғы классха килген олғаннар тӧреен тілін хайдағ синде пілчеткені сыныхталча. Пӱӱл пос тілінең чахсы чоохтасчатхан палаларның паба-іҷелері правительствоның алғыстазына паза 10 муң ахчалығ сыйыхха турысханнар. Амды Хакасияның ӱлгӱлері пу марығны тиксі республикада иртірерге пӧгінчелер. Анда 1-ғы класстын 240 ӱгренҷізі аралазары кӧріл парған. Марығ августта иртер, аны иртіреріне республика бюджедінең 1,5 миллионҷа салковай пирілер.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
30 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | 1 | 2 | 3 |
Кӱн таңмазы