Табаттағы клуб системазы нааӌылалды
20.11.2020
Хабарлар
Пӱӱн, 20 ноябрьда, Россияның "Культура" нацпроектi хоостыра тиксi тыхтағ тоғыстары соонаң Табаттағы культура туразын паза Киндiрлiг пилтiрi аалдағы клубты пайрамни астылар. Аарлығ аалӌылар санында Хакасияның культура министрi Леонид Еремин полған.
"Кöп ахча тыхтағ тоғыстарына позыдылбаан. Че тыхтағ тоғыстары "Культура средазы" национальнай проект хоостыра иртiрiлген. Хакасия правительство пазы Валентин Коноваловтың адынаң сiрернi пу кирекнең алғыстапчам!" - теен министр.
Табаттағы культура туразы тастынаң металосайдингнең чабылтыр, хыры алыстырылған паза iстiндегi тоғыстар апарылтыр.
Соонаң устағӌылар Киндiрлiг пилтiрiнзер чол тутханнар. Андағы клубта iзiктер нааӌылалтыр.
2021 чылға Хакасияның культура министерствозы пу аалларның культура тураларына марығ салтарлары хоостыра материально-техническай базаны пиктирiне субсидия позыдар.
Автор :
Елена Сагатаева
Пн | Вт | Ср | Чт | Пт | Сб | Вс |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы