Хакасияда "коронавирус" диагнозтығ имнег полызии алған соонаң 81 кiзi хазыхтанып алды. Пӱӱнгi кӱнде наа чуғынӌах ағырығдаң чазылып алғаннарның саны 11791 кiзее тиңнелче (01.01.2021 чылдаң сығара). Халғанӌы суткада республиканың лабораторияларында 177 чуртағӌыдаң коронавирус табылған (Ағбанда - 85, Ағбан пилтiрi аймаанда - 19, Харатаста - 20, Боград аймаанда - 14, Алтай аймаанда - 8, Шира аймаанда - 16, Абазада паза Орджоникидзе аймаанда - читiлер кiзi, (ол санда Хызылчар крайының пiр чуртағӌызы ):

  - 64 кiзiдең коронавирус, кискекнең ағырыбызып, имнег тураларынзар айланғанда табылған;

  - 20 чуртағӌыдаң наа ағырығ внебольничнай пневмониядаң имненчеткенде сығысхан;

  - 70 чир-суғӌыбыс сöбiреде ағырығны хаптырып алған, 12 кiзi - тоғыста;

  - 5 кiзiдең ковид план хоостыра сыныхтағ иртчеткенде табылған;

  - 2 чуртағӌы пос кöңнiнең сыныхтағ ирткен соонда коронавируснаң ағырыбысханынаңар пiлiп алғаннар;

 - 4 чир-суғӌыбыс пасха регионнарзар ааллап чöрген соонаң наа чуғынӌах ағырығны хаптырып алған.

  2021 чыл пасталғанынаң сығара Хакасияда 12918 чуртағӌыдаң ковид-19 сығысхан. Пӱӱнгi кӱнде ағырығның 4 кӱнге чон аразында тарапчатхан коэффициентi 1 кöзiдiмге тиңнелче, 7 кӱн аразына - 1.

   Имӌiлер хайығда 10719 кiзiнi тутчалар, олар ағырыбысханнарнаң палғалыста полғаннар. Ибдең 5125 кiзi имненче, имнег тураларында - 1275 кiзi, оларның 19-зы - ИВЛ-да.