Муниципалитеттернiң ӧдiзi чабылар
02.12.2021
Хабарлар
![Муниципалитеттернiң ӧдiзi чабылар Муниципалитеттернiң ӧдiзi чабылар](/upload/iblock/ce2/ce2c753aab6efb49d9baa75c6f05855b.jpg)
Пӱӱл Хакасия правительствозы муниципалитеттерде кредиторлар алнындағы 2,5 миллиард азыра салковай ӧдiстi чабызар. Аннаңар искiрче Хакасия пазы Валентин Коновалов.
2015 чылдаң сығара республика муниципалитеттерiнде нинҷе-де хорадығҷа ӧдicтер чыылған, аның ӱчӱн социальнай пiрiгiстернiң счеттарының тоғызы тохтадылған. Регион правительствозы республика бюджедiнең ол ӧдicтi чардыхти чапхан, ол ахчаның 352 миллион салковайы 1 декабрьда ызылған.
2021 чылда регион правительствозы 2 миллиард 182 миллион салковай муниципалитеттернiң кӧп чыллар чыылған ӧдiстерiн чабарына позытхан. Хакасияның финанстар министерствозы пу чыл тоозылғанҷа халған ӧдiстi – 405 миллион салковайны – чабызарға пӧгiнче. Муниципальнай пӱдiстернiң устағ-пастаана ол ахчаны орта хорадарға киректелче: счеттарның тоғызын нааҷылирына.
Аннаң пасха, чарытча Валентин Коновалов, 252 миллион салковай ӱгредiг организацияларына школа алнындағы паза школа чӧрчеткен олғаннарға ниме-ноо паза ӱгредiг пособиелерiн алған ӧдicтi айландырарына ызылған. Пӱӱнгi кӱнде пу ӧдiс тооза чабылды.
Автор :
Наталья Субракова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде