Спортха теелчеткен сурығлар пирiңер
21.01.2022
Хабарлар
Хакасия пазы Валентин Коновалов социальнай сетьтер пастыра кӧнi эфирге сығып, республика чуртағҷыларының сурығларына тӧремiл нандырча. Килчеткен неделяда стримде Валентин Олеговичнең хада спорт министрi Сергей Кочан аралазар.
Мероприятие 25 январьда 18.00 часта иртер. Ӧӧн сурығ - «Физкультура паза спорт Хакасияда: салтарлар паза таңдағызына пӧгiннер». Трансляция Валентин Коноваловтың Instagram, Facebook, ВКонтакте паза Одноклассники социальнай сетьтердегi страницалардаң апарылар. Ӏдӧк кӧнi эфирнi Хакасияның спорт министерствозының Instagram страницазында кӧрiп аларға чарир. Ведомствоның аккаунты - @19minsport.
Валентин Коновалов паза Сергей Кочан чуртағҷыларның азынада паза кӧнi эфир тузында пирiлген сурығларына нандырарлар. Стримге сурығларны пӱӱннең сығара +7-991-446-16-46 номерҷе WhatsApp, Viber, Telegram мессенджерлер паза СМС пастыра ызарға чарир.
Хакасия пазының паза правительствозының пресс-службазының таниинаң, мындағ стримнернi Валентин Коновалов удаа иртiр турарға пӧгiнче. Хайди даа хазых киреене, аал хониина, ӱгредiг, ЖКХ сурығларына чарыдылған кӧнi эфирлер полар. Анда министерство-ведомстволарның устағҷылары аралазарлар. Кибiрге кiр парған формат iдӧк халар. Аның тузында Валентин Олегович коронавируснаң кирек хайди парчатханын искiрер.
Автор :
Майя Кильчичакова
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
