Наа ФАП азыларына тимненiс
![Наа ФАП азыларына тимненiс Наа ФАП азыларына тимненiс](/upload/iblock/79f/79f06346c96d5effeb76dda7617cd45e.jpg)
Хазых. Шира аймаандағы Сон аалда наа фельдшер-акушер пункты пӱдiрiл парған. Амды анда санитар-эпидемиология салтарлары паза имнег полызиин пирҷең лицензия аларынҷа тоғыс апарылча
Фельдшер-акушер пунктынзар имнег оборудованиезiн, киректелчеткен мебельнi, чуртағҷыларға искiрiглiг стендтер прай ағыл салғаннар. Амды имнег тоғынҷылары наа ФАП пайрамни азыларына тимненчелер.
Аның пӱдiрии 2021 чылда чайғызын пасталған. Пӱдiрiг чӧптезиинiң паазы 5,5 миллион салковайға тур парған. Амғы туста Сон аал чуртағҷыларына имнег полызиин фельдшер паза медсестра муниципальнай пӱдiстiң туразының пастағы хадылында пирчелер. Ширадағы аймахтар аразындағы имнег туразының имҷiлер бригадазы, килiп, палаларға имнег сыныхтаан иртiрчелер. Наа фельдшер-акушер пунктында олғаннарнаң, улуғларнаң профилактика паза имнег тоғызы мыннаң мындар апарылар. Чуртағҷыларға имнег полызии наа турада, амғы тусха килiстiре оборудованиенең пирiлер. Фельдшер-акушер пунктында имнег тоғынҷыларына паза чуртағҷыларға уғаа чахсы оңдайлар тӧстелген.
Шира аймаандағы Сон аалда наа фельдшер-акушер пунктының пӱдiрии «Хакас Республикада пастағы имнег полызиин пирчеткен имнег организацияларын нааҷылиры» регион программазынҷа апарылған. Пӱӱл регион программазынҷа республикада 15 объект пӱдiрiл парары кӧрiлче, ол санда пис имнег амбулаториязы, ӱс ФАП паза читi фельдшер-акушер пункты. Ол тоғыcтарға 162,9 миллион салковай салыл парған.
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |