СТОЛ АС-ТАМАХХА ПАЙ ПОЛЗЫН
![СТОЛ АС-ТАМАХХА ПАЙ ПОЛЗЫН СТОЛ АС-ТАМАХХА ПАЙ ПОЛЗЫН](/upload/iblock/bd0/bd0b08bf0f838e74ffc329adb2b441e3.png)
Ярмарка. Асхыста аал хонии ярмарказы алғым ирткен. Ол Аал хонии тоғынҷызы кӱніне чарыдылған
Чир тамаанаң паза мал-хуснаң айғасчатханнар чайғызын ӧскіріп алған ис-пайны садыға ағылғаннар. Ярмарка оларға хаҷан даа пайрам полча. Аннаңар, аал хонии тоғынҷылары ис-пайны столларға сығарчатхан туста культура тоғынҷылары ырах ниместе сценаны тимнепчеткеннер.
Пайрам пасталғанда, сценада улуғ нимес ойын кӧзіділген. Чарых кип-азахтығ артисттер чуртағҷыларны мероприятиее хығырғаннар. Хайди таныхталған, ярмарка уғаа пай полған. Аймах-пасха ниме-ноо садыға сығарылған. Аалҷыларны хайхатчаң оңдай пар полған.
Анаң чыылысхан чон Ярмарканы хығырған. Пайрамның ээзі, сценаа сығып, аалҷыларны алғыстаан. Пӱӱл кiзiлер Пилтір аалдаң, Асхыс поселоктаң паза пасха даа ааллардаң килгеннер. Оларны удурлап, Ярмарка чоох тутхан.
– Ярмаркаа килген улусха изенім читірчебін. Прайзыңар чалахай кӧңніліг килген поларзар. Анзы орта. Пӱӱн сірерге ӱтертістіг программа тимнелген, сарыннар толдырылар паза теелбектер салылар, – таныхтаан Ярмарка. – Че пастағызын прайзыңарны садығ орыннары аразынҷа чӧріп аларға хығырчам. Пӱӱн садығда чир тамаа, фрукттар паза пасха ниме-ноо пар.
Ярмарканы азарға аймах устағҷыларын хығырғаннар. іди сценаа Асхыс аймаа пазы Абрек Челтыгмашев паза аал хонии устанызының пастығы Александр Зауер сыхханнар.
– Пӱӱнгі ярмарка Аал хонии тоғынҷызы кӱніне чарыдылча, ол тиксі Россияда таныхталча. Аны хоостыра піс мындағ чарадығ алыбысхабыс: пӱӱн ярмарканы иртірерге, кичкер айының 28-ҷі кӱнінде аал хонии тоғынҷыларын чеестирбіс, – теен Абрек Васильевич. – Садығ орыннарынҷа чӧргенімде, таныс фермерлер садығ чахсы парча тіп чоохтааннар. Пеер ағылған ис-пайның 60-70 процентiн амға теере садыбыстырлар. Оларның таниинаң, Таштып паза Пии аймахтарында иртчеткен ярмаркаларда садығ іди чахсы парбинча. Аал хонии уcтанызының специалисттеріне паза культура тоғынҷыларына улуғ алғызым читірчем. Аал хонии тоғынҷыларының киректері чахсы парзын. Чайғы тус сидік полған, наңмырлар асхынах чаған. Мал азиин тимнирі ідӧк сидік парған. Че, андағ даа полза, мал тутчатханнар, от садызып, хысхызына тимненіп алғаннар. Хысхы нымзах ползын, хар кӧп ползын.
ідӧк Асхыс поселоктағы «Чылтыс» хакас культуразының пірігізі чахсы тимнен килген. ӧме презентацияны чахсы тимнеп салған. Ол «Чиңіс пісти полар» адалған. Анда кӧп кізі араласхан, аннаңар оларның чайаачызын хынып кӧргеннер. Iдӧк «Чылтыс» ӧме патриотизм темаа частушкалар толдыр пирген. Таныхтирға кирек, олар ярмаркада тоғынып алған ахчаны мобилизацияа хаптырған чир-суғҷыларыбысха ызарға пӧгінчелер.
Пасха даа ӧмелер чахсы тимненіс кӧзiткеннер. Араласчылар марыға талған, оох халазахтар, хворост, печенье, пасха даа ас-тамах сығарғаннар. «Чылтыс» пірігіс халас-іпекті пос ӧскірген ниме-ноодаң иткен.
«Iпек-тустығ Асхыс» марығ ікі номинацияҷа ирткен: «Халас-іпек», «Иң чахсы садығ орны». Прай араласчылар сыйыхха турысханнар. Асхыс аймаандағы ӧӧн библиотека ӧмезі iкі номинацияда чиңіс тутхан. Чайаачы программалар мариинда Калининдегі культура туразы пастағы орынға турысхан.
ідӧк ярмаркада лотерея ирткен. Анда утханнарға сыйыхха аал хонии ис-пайы читiрілген. іди араласчылар хуча, пуғдай, сула, от, сызыр, пасха даа нимені утып алғаннар.
Кӱн тооза Асхыста кӧглер чайылған. Библиотека туразы алнында чон кӧп полған. Полғаны ла кирек ниме-нооны садызып алған полар.
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |