ЖКХ, чоллар паза кискек ағырығ: Валентин Коновалов министрлернең паза орындағы ӱлгӱлернең чыылығ иртiрген
07.01.2023
Хабарлар
![ЖКХ, чоллар паза кискек ағырығ: Валентин Коновалов министрлернең паза орындағы ӱлгӱлернең чыылығ иртiрген ЖКХ, чоллар паза кискек ағырығ: Валентин Коновалов министрлернең паза орындағы ӱлгӱлернең чыылығ иртiрген](/upload/iblock/33a/33ac9ffa1f544ff4a805c3be53ca3197.jpg)
Хакасия пазы Валентин Коновалов 6 январьда министрлернең паза муниципалитеттернiң устағӌыларынаң хада видеопалғалысча чыылығ иртiрген. Чыылығ араласчылары чуртасха иң кирек сфералар (ЖКХ, чол-транспорт хонии паза хазых хайраллаӌаң система) ӱлӱкӱннерде хайди тоғынчатханын ӱзӱргеннер.
Пӱдiрiг паза ЖКХ министрi Валерий Келин наа чылның 5 кӱнi тузына ЖКХ объекттерiнде iкi саай полғанынаңар искiрген. Iкiзi суғ пирерiнең палғалыстығ (колонкалар тоғынмин сыххан): Весеннее аалда (iкi орама) паза Сарығ хас аалда (пiр орама). Амды ол орамаларзар машинанаң суғ тартары тимнелген. Колонкалар чағын туста тыхталар тiп кöрiлче.
Республика пазы чағын туста, Хакасияда хар чаары сахталчатханына хайығ салып, транспорт министрi Дмитрий Василиадинi чол службалары хайдағ тимненiсте полғанын искiрерге сурынған.
Министрнiң чооғынаң, чолларны арығлирында тузаланылар техниканың тиксi саны - 78. Пӱӱнгi кӱнде оларның 30-ы ла тузаланылча, пасхазы резервте.
Хазых хайраллаӌаң система ӱлӱкӱннерде хайди тоғынчатханынаңар министр Олег Ананьевский искiрген.
Пу чылның 6 кӱнiне Хакасияда 2 муңӌа кiзi ОРВИ ағырығларынаң паза кискекнең ағырыбысханы санға алылған. 103 кiзi "кискек" диагнозтығ, кöбiзi - олғаннар (83 пала). Кирек ам даа сидiксiнiстiг тiп таныхтаан министр.
Коронавирус хоостыра кирек сала амыр, пiр кӱнде 10 кiзiдең кöп нимес iлезiне сығарылчаттыр.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде