2022 чылда хайдағ ниме-ноо сығарызы ӧс парған?
15.02.2023
Хабарлар
![2022 чылда хайдағ ниме-ноо сығарызы ӧс парған? 2022 чылда хайдағ ниме-ноо сығарызы ӧс парған?](/upload/iblock/03f/03f49774608ccf3524682f2764882b27.jpg)
Экономика. Хызылчарстат Кимдегі Сибирь регионнарының – Хызылчар крайының, Хакас паза Тыва республикаларның – 2022 чылдағы промышленность сығарызынҷа статистика искіриин тимнебістір
Хакасияда 2022 чылның промышленность сығарызының индексі, 2021 чылнаң тиңнестірзе, 92,2 % тиңнелче.
Республикада промышленность сығарызы сині чарытхы, газ паза оор, кии синін тутчатхан пірігістернің тоғызы сылтаанда тӱс парған, оларның сығарыс индексі – 65,4 % ле. Республикада гидроэлектростанцияларның чарытхы сығарызы тӱзірілген. ідӧк чир ис-пайын аниры син парған: алындағы чылдағызынаң 6,5%-ке тӧбін. ӧӧнінде хара тас асхынах анылған (2021 чылдағы синнің 93,1 %-і ле). 2021 чылнаң тиңнестірзе, республикада хара тас 10,1 %-ке тӧбін анылған.
Сӧп-сапты чыырынҷа, аннаң андар сығарысха тимнирінҷе паза чох идерінҷе, тузаланған ниме-ноонаң тоғынарынҷа (2021 чылның кӧзідіглерінің 81,8 %), суғ сығарарынҷа, арығлирынҷа паза тарадарынҷа (2021 чылның кӧзідіглерінің 68,7 %) ниме-ноо сығарызы синген сылтаанда «Суғ читірері; суғ сығарары, сӧп-сапты чыыры паза чох идері, кірленгенін чох идерінҷе тоғыс» кӧстегнің тӱзімінің индексі 85,5 %-ке тиңнелче.
Олох туста республиканың ниме-ноо тимнирінде ӧзіс таныхталча: ол 2021 чылдағызынаң 9,3 %-ке кӧп. Ол кӧзідіг ӧӧнінде металлургия киреенде сығарыс ӧскенінең палғалыстығ. Аның сығарыс индексі – 115,3 %. Iдӧк ӧзіс ниме-ноо тимнирінің пу кӧстеглерінде таныхталча: химия ниме-ноозында (сығарыс индексі – 182 %); минераллығ ниме-ноо сығарызында (сығарыс индексі – 127,1 %), ол санда пӱдіріге цементтең, бетоннаң паза арған тастаң блоктарның сығарызы 35,8 %-ке ӧс парған, кірпис сығарызы – 3,1 %; аймах-пасха транспорт паза тиріг сығарызында (сығарыс индексі – 186,2 %); ісчең суғлар, ӧӧнінде изіртпинчеткен, минераллығ паза пасха бутылкадағы ісчең суғлар сылтаанда (сығарыс индексі – 105,4 %).
Чоохтирға кирек, 2021 чылнаң тиңнестірзе, 2022 чылда Хызылчар крайында промышленность сығарызының индексі 102,9 % тиңнелген. Иң пӧзік ӧзіс – 72,6 % – компьютер, электроннай паза оптика ниме-нооларының сығарызында таныхталча, анаң 37,3 %-ке ӧзіс – машиналар паза тиріглер сығарызында. Ас-тамах сығарызы тиксі 3 %-ке ӧскен: чир тамаа консерваларының сығарызы – 86,8 %-ке, кетчуп паза томат соустары – 47,6 %-ке, майонез – 43,4 %-ке. Хара тас анызын алза, Хызылчар крайында ол пілдірте ӧс парған, 2021 чылнаң тиңнестірзе, ӧзіс 24,7 % тиңнелче. Че нефть паза газ сығарызы 2 %-ке тӧбін сығарылған.
Тыва Республикада 2022 чылда промышленность чахсы тилеені таныхталча. 2021 чылнаң тиңнестірзе, промышленность сығарызының индексі – 137,1 %. ӧӧнінде ӧзісті чир ис-пайын аныпчатхан пірігістернің тоғызы пирген: хара тас анызының индексі – 147,6 %. Алындағы чылдағызынаң ол 2,2 хати кӧп. Аннаң пасха, металл нимес минераллығ ниме-ноо сығарызы 37,2 %-ке ӧс парған, кӧбізін бетон сығарызы 50,9 %-ке ӧскен сылтаанда. Ас-тамах сығарызы 3,5 %-ке ӧс партыр.
Республикада чир ис-пайын аниры 2022 чылда
хызырылған, ол санда хара тасты аниры – 10,1 %-ке
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде