Валентин Коновалов пічіктер пир салды
11.06.2023
Хабарлар
Хакасияның Табығ комиссиязы искіриинең, пӱӱн, хандых айының 12-ӌi кӱнінде, Валентин Коновалов Хакасия пазы орнына табығларда аралазарға пічіктерні пир салған.
Таныхтирға кирек, Валентин Коновалов Хакасия пазы полған паза правительствозынаң устаан тусха республика бюджедінің парыстары 2,5 хати öскірілген, хазна öдізінің коммерческай чардығы чох иділген, чонға, аал, чол паза чурт-коммунальнай хониина, туризмге, кічіг паза ортын предприятиелерге, идінӌектерге хабазарға позыдылчатхан ахча сині пілдірте хозылған.
Ікі чыл изере Хакасия Россияның пöзік социальнай-экономика öзіс кöртісчеткен 35 регион санына кірче.
- Мин пілчем, чуртас-экономика тилізі стратегиябысты мыннаң мындар тилідерін узаратсабыс, республиканың прай чуртағӌыларынаң хада-пірге піс уламох пöзік чидіглерге чидербіс. Мин табығларға КПРФ-таң сығарылғам.
Піс пір чоннаң паза чир-сууна хынчатханнарнаң хада öменең парчабыс. Пістің командада аймах халых паза политика пірігістерінің кізілері. Олар прайзы Чир-суубыс тилізі паза сын оңдайлар ӱчӱн турчалар. Ол кізілерге Хакасия тöреен ибі полча, республикада кöп чыл чуртап салып, олар аның таңдағы чуртазы ӱчӱн тың сағыссырапчалар паза аның чуртағӌыларына туза ағыларына істенчелер, - пасча социальнай сетьтегі позының страницаларында Валентин Олегович. - Хакасияның таңдағызы ӱчӱн сағыссыратчатханнарны паза піске хабасчатханнарны алғыстапчам! Хада піс чиңіс тударбыс паза республиканы тилідерге узарадарбыс!
Сомнар Хакасия пазының пресс-службазыни
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
