Хол салғанын пир салды
23.06.2023
Хабарлар
![Хол салғанын пир салды Хол салғанын пир салды](/upload/iblock/b12/67yz9hq2cfaog9f6h0kbmy4c2ihk8gnq.jpg)
Табығлар-2023. Валентин Коновалов регионның Табығ комиссиязына Хакасия пазына кандидат чіли санға турарға киректелчеткен пічіктерні пир салды
Хакасия пазына кандидат поларға сағынчатхан табығлар араласчыларына муниципальнай таллағны иртерге киректелче. Ол кирексіністі толдырып, Валентин Коновалов ӱн пирер праволығ 129 кізінің хол салғанын чыып алған. Кирексініс хоостыра ол иң кӧп сан.
Пӱӱнгі кӱнде Хакасиянаң устапчатхан Валентин Коноваловтың ӱчӱн республиканың 13 муниципальнай пӱдізінің, прай город-аймахтарының, кізілері ӱннерін пиргеннер.
Валентин Коновалов ідӧк Россияның Федеральнай Чыылииның Федерация Чӧбінзер турғысчаң ӱс кандидатты пир салған: Олег Земцовты, Игорь Мамонтовты, Валерий Усатюкты.
Хакасияның Табығ комиссиязының искіриинең, чыылған пічіктер сын полчатханын сыныхтирына паза кандидатты санға турғызарына 10 кӱн пирілче.
Хакасия пазы орнына табығларға кандидаттарны хандых айының 28-ҷі кӱнінің 18.00 чазына теере сығарарға чарир, от айының 16-ҷы кӱнінің 18.00 чазына теере – санға турғызарға пічіктер алылар.
Сом Табығ комиссиязының сайтынаң
Автор :
Тимнеен Наталья СЮПТЕРЕКОВА
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде